ପ୍ୟାରିସ, ୧୧।୬-
ଆମେରିକାର ଡେଜାରେ କ୍ରାକ୍ଜିକ୍ ଓ ବ୍ରିଟେନର ଜୋ ସାଲିସବୁରୀ ଚଳିତ ଫ୍ରେଞ୍ଚ୍ ଓପନ ଗ୍ରାଣ୍ଡସ୍ଲାମ ମିକ୍ସଡ ଡବଲ୍ସ ଚାମ୍ପିୟନ ହୋଇଛନ୍ତି। ଗୁରୁବାର ଅନୁଷ୍ଠିତ ଫାଇନାଲରେ ଏହି ଆମେରିକା-ବ୍ରିଟେନ ଯୋଡ଼ି ରୁଷିଆର ଅସଲାନ କାରାତ୍ସେଭ ଓ ଏଲିନା ଭେସନିନାଙ୍କୁ ୨-୬, ୬-୪, ୧୦-୫ ସେଟ୍ରେ ପରାସ୍ତ କରିଛନ୍ତି। ଏଥିସହ ସାଲିସବୁରୀ ଫ୍ରେଞ୍ଚ୍ ଓପନର ମୁଖ୍ୟ ଡ୍ର’ରେ ୩୯ ବର୍ଷର ଟାଇଟଲ ଶୂନ୍ୟତାର ଅନ୍ତ ଘଟାଇଛନ୍ତି। ମୁଖ୍ୟ ଡ୍ର’ର ୫ ଇଭେଣ୍ଟ ମଧ୍ୟରୁ ଶେଷ ବ୍ରିଟିଶ୍ ଖେଳାଳିଭାବେ ଜନ୍ ଲୟଡ ୧୯୮୨ରେ ମିକ୍ସଡ ଡବଲ୍ସ ଟାଇଟଲ ଜିତିଥିଲେ। ସେ ଅଷ୍ଟ୍ରେଲିଆର ଓ୍ବେଣ୍ଡି ଟର୍ନବୁଲଙ୍କୁ ସାଥିକରି ଖେଳିଥିଲେ। ଉଭୟ କ୍ରାକ୍ଜିକ୍ ଏବଂ ସାଲିସବୁରୀ ସେମାନଙ୍କ ପାର୍ଟନର ସହ ଡବଲ୍ସ ଇଭେଣ୍ଟର ପ୍ରାରମ୍ଭିକ ପର୍ଯ୍ୟାୟରୁ ହାରି ଯାଇଥିଲେ। ଫଳରେ ସେମାନେ ମିକ୍ସଡ ଡବଲ୍ସ ଉପରେ ଫୋକସ କରିଥିଲେ।
