କୌଣସି ଚଳଚ୍ଚିତ୍ରଠାରୁ କମ୍‌ ନୁହେଁ ଏହି କ୍ରିକେଟର୍‌ଙ୍କ ପ୍ରେମ କାହାଣୀ: ଅତିଥି ଭାବେ ଯାଇଥିବାବେଳେ ପଡିଯାଇଥିଲେ ପ୍ରେମରେ

ଭାରତୀୟ ଦ୍ରୁତ ବୋଲର ଇଶାନ୍ତ ଶର୍ମା ଟିମ ଇଣ୍ଡିଆର ଟେଷ୍ଟ ଦଳର ଏକ ଗୁରୁତ୍ୱପୂର୍ଣ୍ଣ ଅଂଶ। ସେ ବିଶ୍ୱ ଟେଷ୍ଟ ଚାମ୍ପିଅନସିପ ଏବଂ ଇଂଲଣ୍ଡ ବିପକ୍ଷ ୫ ମ୍ୟାଚ ଟେଷ୍ଟ ସିରିଜ ପାଇଁ ଦଳର ଏକ ଅଂଶ ଏବଂ ଏବେ ସେ ଇଂଲଣ୍ଡରେ ଅଛନ୍ତି। ୨୦୦୭ରେ ଇଶାନ୍ତ ନିଜ କ୍ୟାରିଅର୍‌ ଆରମ୍ଭ କରିଥିଲେ ଏବଂ ଢାକାରେ ବାଂଲାଦେଶ ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ ଖେଳିଥିଲେ। ଇଶାନ୍ତ ମଧ୍ୟ ଏକଦିବସୀୟ ଏବଂ ଟି୨୦ ଇଣ୍ଟରନ୍ୟାସନାଲ ଖେଳିଥିଲେ, କିନ୍ତୁ ଏବେ ସେ ଭାରତୀୟ ଟେଷ୍ଟ ଦଳର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟନ୍ତି । ଏତେ ବର୍ଷ ଧରି ନିଜ କ୍ୟାରିଅର୍‌ ଉପରେ ଧ୍ୟାନ ଦେଇଥିବା ଇଶାନ୍ତ ଶର୍ମାଙ୍କ ପ୍ରେମ କାହାଣୀ କୌଣସି ଚଳଚ୍ଚିତ୍ରଠାରୁ କମ୍‌ ନୁହେଁ। ୨୦୧୧ରେ, ସେ ପ୍ରଥମ ଦେଖାରେ ପ୍ରେମରେ ପଡିଥିଲେ।
ଇଶାନ୍ତ ଶର୍ମା ଏବଂ ପ୍ରତିମା ସିଂ ପ୍ରଥମେ ୨୦୧୧ରେ ସାକ୍ଷାତ ହୋଇଥିଲେ। ଇଶାନ୍ତଙ୍କୁ ଦିଲ୍ଲୀର ଆଇଜିଏମଏ ବାସ୍କେଟବଲ ଆସୋସିଏସନ ଲିଗର ମୁଖ୍ୟ ଅତିଥି ଭାବରେ ନିମନ୍ତ୍ରଣ କରାଯାଇଥିଲା। ଏହି ଟୁର୍ନାମେଣ୍ଟକୁ ଇଶାନ୍ତଙ୍କ ଜଣେ ବନ୍ଧୁ ଆୟୋଜନ କରିଥିଲେ। ପ୍ରତିମା ଏବଂ ତାଙ୍କ ତିନି ଭଉଣୀ ଏଠାରେ ଉପସ୍ଥିତ ଥିଲେ। ଖୁବ କମ ଲୋକ ଜାଣନ୍ତି ଯେ ଇଶାନ୍ତଙ୍କ ସ୍ତ୍ରୀ ପ୍ରତୀମା ଭାରତ ପାଇଁ ବାସ୍କେଟବଲ ଖେଳିଛନ୍ତି। ପ୍ରଥମ ସାକ୍ଷାତ ସମୟରେ ଇଶାନ୍ତ ନିଜେ ଏହା ଜାଣି ନ ଥିଲେ। ଇଶାନ୍ତ ପ୍ରଥମ ଦେଖାରେ ଏହି ପ୍ରତିମାଙ୍କୁ ପସନ୍ଦ କରିଥିଲେ। ପ୍ରତୀମା ଆହତ ଥିବାରୁ ସେ ମ୍ୟାଚ ଖେଳୁ ନ ଥିଲେ ବରଂ ସ୍କୋରର ହୋଇଥିଲେ। ପ୍ରତିମାକୁ ଦେଖି ଇଶାନ୍ତ ହଜିଯାଇଥିବା ବେଳେ ଅପରପକ୍ଷେ, ପ୍ରତଙ୍‌ିମା ବହୁତ ଇର୍ଷା ଅନୁଭବ କରୁଥିଲେ କାରଣ ଇଶାନ୍ତଙ୍କ ଆଗମନ ହେତୁ ବାସ୍କେଟବଲରେ କେହି ଆଗ୍ରହ ଦେଖାଉ ନଥିଲେ। ଏହି କାରଣରୁ ପ୍ରତିମା କ୍ରିକେଟରଙ୍କୁ ପସନ୍ଦ କରୁ ନ ଥିଲେ। ଏହା ପରେ ଇଶାନ୍ତ ପ୍ରତିମାଙ୍କୁ ଦେଖିବା ପାଇଁ ଟୁର୍ନାମେଣ୍ଟର ସମସ୍ତ ଦିନ ସେଠାକୁ ଯିବା ଆରମ୍ଭ କଲେ । ତାଙ୍କର ସାଙ୍ଗମାନେ ତାଙ୍କ ହୃଦୟକୁ ବୁଝିଲେ।ଏହା ପରେ ଧୀରେ ଧୀରେ ଇଶାନ୍ତ ପ୍ରତିମାଙ୍କ ମଧ୍ୟରେ ବନ୍ଧୁତା ଆରମ୍ଭ ହେଲା। ଏକ ବର୍ଷ ପରେ ତାଙ୍କ ହୃଦୟ କଥା କହିଥିଲେ।