ନୂଆଦିଲ୍ଲୀ,୨୧।୬: ଉତ୍ତର ପ୍ରଦେଶରେ ୨୦୨୨ରେ ବିଧାନସଭା ନିର୍ବାଚନ ହେବାକୁ ଯାଉଛି। ଏନେଇ କଂଗ୍ରେସ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି। କଂଗ୍ରେସ ପକ୍ଷରୁ ରାଷ୍ଟ୍ରୀୟ ମହାସଚିବ ପ୍ରିୟଙ୍କା ଗାନ୍ଧି ଭଦ୍ରା ରାଜ୍ୟର ୫୦ ଜଣ ତୁଙ୍ଗ ନେତାଙ୍କୁ ଫୋନ୍ କରି ସେମାନଙ୍କର ଟିକଟ କନଫର୍ମ ଥିବା କହିଛନ୍ତି। ଏହା ସହିତ ନିର୍ବାଚନ ଲାଗି ପ୍ରସ୍ତୁତି କରିବାକୁ ମଧ୍ୟ ପରାମର୍ଶ ଦେଇଛନ୍ତି। ଚଳିତ ୨୦୨୧ ବର୍ଷ ଅଗଷ୍ଟ ସୁଦ୍ଧା ରାଜ୍ୟରେ ୨୦୦ ଜଣ ପ୍ରାର୍ଥୀଙ୍କ ତାଲିକା ଫାଇନାଲ୍ କରିବା ଳାଗି କଂଗ୍ରେସ ପକ୍ଷରୁ ଲକ୍ଷ୍ୟ ରଖାଯାଇଛି। ଏନେଇ ହାଇକମାଣ୍ଡଙ୍କ ନିର୍ଦ୍ଦେଶକ୍ରମେ ପ୍ରଦେଶ ଅଧ୍ୟକ୍ଷ ଅଜୟ କୁମାର ଲଲ୍ଲୁ ବିଭିନ୍ନ ଜୋନ୍ରେ ବୈଠକ କରି ପ୍ରାର୍ଥୀ ଚୟନ ପ୍ରକ୍ରିୟା ଆରମ୍ଭ କରିଛନ୍ତି। ପ୍ରିୟଙ୍କାଙ୍କ ଫୋନ୍କୁ ନେଇ ରାଜ୍ୟ ରାଜନୀତିରେ ବିଧାନସଭା ନିର୍ବାଚନ ପୂର୍ବରୁ ଉଷ୍ଣତା ବଢ଼ିବାରେ ଲାଗିଛି।
