ପ୍ୟାରିସ, ୧।୬-ଏଠାରେ ଚାଲିଥିବା ଫ୍ରେଞ୍ଚ୍ ଓପନ ଗ୍ରାଣ୍ଡସ୍ଲାମ ଟେନିସ ଟୁର୍ନାମେଣ୍ଟର ସୋମବାର ଅନୁଷ୍ଠିତ ଦ୍ୱିତୀୟ ଦିବସରେ ଷ୍ଟିଫାନୋସ ସିତ୍ସିପାସ, ଡାନିଲ ମେଡ୍ଭେଡେଭ୍, ଜାନିକ ସିନେର ପ୍ରମୁଖ ବିଜୟ ସହ ଅଭିଯାନ ଆରମ୍ଭ କରିଛନ୍ତି। ସିତ୍ସିପାସ ପ୍ରଥମ ରାଉଣ୍ଡରେ ଜେରେମି ଚାର୍ଡିଙ୍କୁ ୭-୬(୮/୬), ୬-୩, ୬-୧ ସେଟ୍ରେ ପରାସ୍ତ କରିଛନ୍ତି। ସେହିପରି ମେଡଭେଡେଭ ୬-୩, ୬-୩, ୭-୫ ସେଟ୍ରେ ଆଲେକଜାଣ୍ଡର ବୁବ୍ଲିକ୍ଙ୍କୁ ଏବଂ ସିନେର ୬-୧, ୪-୬, ୬-୭(୪/୭), ୭-୫, ୬-୪ ସେଟ୍ରେ ପିଏରେ ହ୍ୟୁଗ୍ସ ହର୍ବର୍ଟଙ୍କୁ ହରାଇ ଦେଇଛନ୍ତି। ଅନ୍ୟ ମ୍ୟାଚଗୁଡ଼ିକ ମଧ୍ୟରେ ଜନ୍ ଇସନେର ୭-୬(୭/୨), ୬-୩, ୬-୪ ସେଟ୍ରେ ସାମ୍ କ୍ୱେରି, ଷ୍ଟିଭ୍ ଜନସନ ୬-୭(୫/୭), ୩-୬, ୬-୪, ୬-୨, ୬-୧ ସେଟ୍ରେ ଫ୍ରାନ୍ସେସ ଟିଆଫୋଙ୍କୁ ହରାଇ ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ଜିଆନଲୁକା ମାଗେର ୬-୨, ୩-୬, ୬-୪, ୭-୫ ସେଟ୍ରେ ପିଟର ଗୋଜୋଜିକ୍, ଫିଲିପ୍ କ୍ରାଜିନୋଭିକ୍ ୬-୪, ୬-୧, ୭-୬(୭/୩) ସେଟ୍ରେ ମାକ୍ସିମିଲାନ ମାର୍ଟେରେର, ଥିଆଗୋ ମୋଣ୍ଟେଇରୋ ୬-୩, ୬-୪, ୬-୩ ସେଟ୍ରେ ଫ୍ରାନ୍ସିସ୍କୋ ସେରୁନଡୋଲୋ, ଫେଡେରିକୋ ଡେଲବୋନିସ ୬-୧, ୨-୬, ୬-୦, ୬-୧ ସେଟ୍ରେ ରାଡୁ ଆଲବଟ୍ଙ୍କୁ ହରାଇ ଦ୍ୱିତୀୟ ରାଉଣ୍ଡରେ ପହଞ୍ଚତ୍ଛନ୍ତି। କାମେରନ ନୋରି ୭-୫, ୭-୬(୭/୫), ୬-୨ ସେଟ୍ରେ ବିଜର୍ନ ଫ୍ରାଟାଙ୍ଗେଲୋଙ୍କୁ ହରାଇଥିବାବେଳେ ରିଲେ ଓପେଲ୍କା ୬-୩, ୬-୨, ୬-୪ ସେଟ୍ରେ ଆନ୍ଦ୍ରେଜ ମାର୍ଟିନଙ୍କୁ ଏବଂ କାସ୍ପର ରୁଡ୍ ୫-୭, ୬-୨, ୬-୧, ୭-୬(୭/୪) ସେଟ୍ରେ ବେନୋଟ ପିଏରେଙ୍କୁ ପରାସ୍ତ କରିଛନ୍ତି।
ସ୍ବିଟେକ୍, କିଜ୍ ବିଜୟୀ
ମହିଳା ସିଙ୍ଗଲ୍ସରେ ଇଗା ସ୍ବିଟେକ, ମାଡିସନ୍ କିଜ୍ ପ୍ରମୁଖ ବିଜୟ ହାସଲ କରିଛନ୍ତି। ସ୍ବିଟେକ ୬-୦, ୭-୫ ସେଟ୍ରେ କାଜା ଜୁଭାନଙ୍କୁ ଏବଂ କିଜ୍ ୬-୩, ୩-୬, ୬-୧ ସେଟ୍ରେ ଓସିଆନେ ଡୋଡିନଙ୍କୁ ହରାଇ ଦେଇଛନ୍ତି। ଅନ୍ୟମାନଙ୍କ ମଧ୍ୟରେ ମାର୍କେଟା ଭୋଣ୍ଡ୍ରୋଉସୋଭା ୪-୬, ୬-୩, ୬-୦, ରିବେକା ପିଟରସନ ୬-୭(୩/୭), ୭-୬(୧୦/୮), ୬-୨ ସେଟ୍ରେ ଶେଲ୍ବି ରୋଜର୍ସ, ହାରମୋନି ଟାନ୍ ୬-୪, ୬-୪ ସେଟ୍ରେ ଆଲିଜେ କୋର୍ନେଟ, ପୋଲୋନା ହେରକଗ ୬-୧, ୩-୬, ୬-୪ ସେଟ୍ରେ କିକି ବେର୍ଟେନ୍ସ, ମାଡିସନ ବ୍ରେଙ୍ଗଲେ ୭-୫, ୬-୪ ସେଟ୍ରେ ମାରିଆ କାମିଲା ଓସୋରିଓ ସେରାନୋ, ହିଲି ବାପ୍ଟିଷ୍ଟେ ୬-୧, ୬-୪ ସେଟ୍ରେ ଆନା ବ୍ଲିଙ୍କୋଭା ଏବଂ ଜାରିନା ଡିୟାସ ୬-୪, ୭-୫ ସେଟ୍ରେ ହିଥର ଓ୍ବାଟସନଙ୍କୁ ହରାଇ ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ସେହିପରି ଟାମାରା ଜିଡାନସ୍କ ୬-୭(୧/୭), ୭-୬(୭/୨), ୯-୭ ସେଟ୍ରେ ବାଏଙ୍କା ଆନ୍ଦ୍ରେସ୍କୁ, ଏଲିସେ ମେର୍ଟେନ୍ସ ୬-୪, ୬-୧ ସେଟ୍ରେ ଷ୍ଟର୍ମ ସାଣ୍ଡର୍ସ, କାରୋଲିନ ଗାର୍ସିଆ ୬-୩, ୬-୧ ସେଟ୍ରେ ଲୌରା ସିଗ୍ମଣ୍ଡଙ୍କୁ ହରାଇ ଅଭିଯାନ ଆରମ୍ଭ କରିଛନ୍ତି।
