ଜଗତ୍ସିଂହପୁର ଅଫିସ,୪।୬: ଭୋଟର ତାଲିକାରେ ଭାରତର ପ୍ରତ୍ୟେକ ନାଗରିକଙ୍କୁ ସାମିଲ କରିବା ପାଇଁ ପ୍ରତ୍ୟେକ ବର୍ଷ ଉଦ୍ୟମ ହେଉଛି। ଏହା ଭିତରେ ସ୍ପେଶିଆଲ ସମରୀ ରିଭିଜନ୍ ଅଫ୍ ଫଟୋ ଇଲେକ୍ଟୋରାଲ ରୋଲ୍ ୨୦୨୧ ଅନୁଷ୍ଠିତ ହୋଇଯାଇଛି। କିନ୍ତୁ ଦୁଃଖର କଥା, ଅନେକ ବ୍ୟକ୍ତି ନାମ ପଞ୍ଜୀକରଣ ପାଇଁ ଆବେଦନ କରୁଥିଲେ ସୁଦ୍ଧା ସେମାନଙ୍କୁ ନିରାଶ କରାଯାଉଛି। ଗୁରୁବାର ଅନଲାଇନ୍ ମାଧ୍ୟମରେ ମୁଖ୍ୟମନ୍ତ୍ରୀଙ୍କ ଗ୍ରିଭାନ୍ସରେ ଏଭଳି ସଙ୍ଗିନ ଅଭିଯୋଗ କରିଛନ୍ତି ତିର୍ତ୍ତୋଲ ବ୍ଲକର ଦେବୀଦତ୍ତ ନାୟକ, ଦୀପ୍ତିରଞ୍ଜନ ଦାଶ, ପ୍ରୀତି ଦାସ, ପ୍ରୀତିଶ ଦାସ, ଗଣେଶ କୁମାର ରାଉତ, କରିସ୍ମା ରାଉତ ଓ ସାଗରିକା ଖୁଣ୍ଟିଆଙ୍କ ସମେତ ଏକାଧିକ ଲୋକ। ସେମାନେ ଅଭିଯୋଗପତ୍ରରେ ଉଲ୍ଲେଖ କରିଛନ୍ତି, ଗୋପାଳପୁର ପଞ୍ଚାୟତର ବୁଥ ସଂଖ୍ୟା ନଂ.୨୨୯ର ୧୮ ବର୍ଷରୁ ଊର୍ଦ୍ଧ୍ୱ ଲୋକ ଭୋଟର ତାଲିକାରେ ନାମ ପଞ୍ଜୀକରଣ ପାଇଁ ବିଏଲ୍ଓ ଅଞ୍ଜନା ସ୍ବାଇଁଙ୍କ ନିକଟରେ ଆବଶ୍ୟକ କାଗଜପତ୍ର ଦାଖଲ କରି ଫର୍ମ ନଂ.୬ ପୂରଣ କରି ଆବେଦନ କରିଥିଲେ। ପ୍ରମାଣ ସ୍ବରୂପ ରସିଦ ମଧ୍ୟ ନେଇଥିଲେ। କିନ୍ତୁ ୧୫ା୧ା୨୧ରେ ଜାଣିବାକୁ ପାଇଲେ ସେମାନଙ୍କ ନାମ ଭୋଟର ତାଲିକାରେ ନାହିଁ । ତେଣୁ ସେମାନେ ତିର୍ତ୍ତୋଲ ବ୍ଲକର ଜିପିଇଓ ତଥା ଅତିରିକ୍ତ ଇଲେକ୍ଟୋରାଲ ଅଫିସରଙ୍କୁ ଭେଟି ଏସବୁ ବିଷୟରେ ଜଣାଇଥିଲ। ଏସବୁ ଆବେଦନ ପତ୍ର ଉପଜିଲାପାଳ ତଥା ଜିଲା ଇଲେକ୍ଟୋରାଲ ରେଜିଷ୍ଟ୍ରେଶନ୍ ଅଫିସରଙ୍କୁ ପ୍ରେରଣ କରାଯାଇଥିବା ଜିପିଇଓ କହିଥିଲେ। ତାପରେ ସେମାନେ ଜଗତ୍ସିଂହପୁର ଉପଜିଲାପାଳଙ୍କୁ ଭେଟିଥିଲେ। ୧୫ ଦିନ ଭିତରେ ସମସ୍ୟାର ସମାଧାନ ହେବ ବୋଲି ସେତେବେଳେ ପ୍ରତିଶ୍ରୁତି ଦିଆଯାଇଥିଲା। ଏନେଇ ୧୫ ଦିନ ପରେ ପୁନର୍ବାର ଉପଜିଲାପାଳଙ୍କୁ ସାକ୍ଷାତ୍ କରିବାରୁ ସେ ଜଣେ ଡାଟା ଏଣ୍ଟ୍ରି ଅପରେଟରଙ୍କୁ ଡାକି ଦରଖାସ୍ତ ଫର୍ମ କୁଆଡେ ଗଲା ଖୋଜି ବାହାର କରିବାକୁ କହିଥିଲେ । କିନ୍ତୁ ଦରଖାସ୍ତ ଫର୍ମ ମିଳୁନାହିଁ, ବ୍ଲକରୁ ବୋଧେ ଆସି ନ ଥିବା ଡାଟା ଏଣ୍ଟ୍ରି ଅପରେଟର କହିଥିଲେ। ତାପରେ ସତ୍ୟାସତ୍ୟ ଜାଣିବା ପାଇଁ ଆବେଦନକାରୀମାନେ ସୂଚନା ଅଧିକାର ଆଇନ ବଳରେ ଜିପିଇଓଙ୍କ ନିକଟରେ ଦରଖାସ୍ତ କରିଥିଲେ। ଏଥିରେ ଉପଜିଲାପାଳ ତଥା ଡିଇଆର୍ଓଙ୍କୁ ପ୍ରେରଣ କରାଯାଇଥିବା ଆବ୍ଷ୍ଟ୍ରାକ୍ଟ ରିପୋର୍ଟର ତଥ୍ୟ ମାଗିଥିଲେ। ତଥ୍ୟ ମିଳିଥିଲା। ଏଥିରୁ ଜଣାଯାଇଥିଲା ଯେ, ବୁଥ୍ ସଂଖ୍ୟା ୨୨୯ରେ ସମୁଦାୟ ୬୪ ଜଣ ଫର୍ମ ନଂ.୬ରେ ଆବେଦନ କରିଥିଲେ। ଏହାକୁ ଜିପିଇଓ ଉପଜିଲାପାଳଙ୍କୁ ପ୍ରେରଣ କରିଥିଲେ। ୧୫ା୧ା୨୧ରେ ପ୍ରକାଶନ ଯୋଗେ ତାଲିକାରେ ୩୩ ଜଣଙ୍କ ନାମ ପ୍ରକାଶ ପାଇଥିଲା। ସେଥିରୁ ୩୦ ଜଣ ଫର୍ମ ଦାଖଲ କରି ଓ ୩ ଜଣ ଅନଲାଇନ୍ରେ ଆବେଦନ କରିଥିଲେ। ଅବଶିଷ୍ଟ ୩୪ ଜଣଙ୍କ ନାମ ତାଲିକାରୁ ବାଦ୍ ପଡିଛି। ଗୋଟିଏ ଆବ୍ଷ୍ଟ୍ରାକ୍ଟରେ ଯାଇଥିବା ନାମ ମଧ୍ୟରୁ ଏତେ ଜଣଙ୍କ ନାମ କିପରି ବାଦ ପଡିଲା ତାହା ଆବେଦନକାରୀଙ୍କୁ ଆଶ୍ଚର୍ଯ୍ୟ କରିଛି। ତେଣୁ ଉପଜିଲାପାଳଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ କଟିଯାଇଥିବା ଆବେଦନକାରୀଙ୍କ ନାମ ଭୋଟର ତାଲିକାରେ ପଞ୍ଜୀକରଣ କରିବା ପାଇଁ ଦାବି ହୋଇଛି।
ଏ ସମ୍ପର୍କରେ ଉପଜିଲାପାଳ ଧର୍ମେନ୍ଦ୍ର ମଲ୍ଲିକ କହିଛନ୍ତି, ତାଙ୍କ ଉପରେ କୌଣସି ରାଜନୈତିକ ପ୍ରଭାବ ନାହିଁ। ଏଭଳି ଅଭିଯୋଗ ଅମୂଳକ। କୌଣସି ସ୍ଥାନରେ ତ୍ରୁଟି ଥାଇପାରେ। ଏଥିଯୋଗୁ ୩୪ ଜଣଙ୍କ ନାମ ତାଲିକାରେ ଅନ୍ତର୍ଭୁକ୍ତ ହୋଇପାରିନାହିଁ। ଏହାର ସମାଧାନ ପାଇଁ ଚେଷ୍ଟା କରାଯିବ ବୋଲି ମଲ୍ଲିକ କହିଛନ୍ତି।
Posted inଆମ ଜିଲା ଖବର, ଜଗତ୍ସିଂହପୁର View All
ମଣ୍ଡିକୁ ଧାନ ଆସି ଫେରିଲା
ଯାଜପୁର ଅଫିସ,୯ା୬:ଯାଜପୁର ଜିଲାରେ ଗତ ୨୧ ତାରିଖରୁ ରବି ଧାନ କିଣା ଆରମ୍ଭ ହୋଇଛି। ହେଲେ ଏହି କାରବାରରେ ବ୍ୟାପକ ଅନିୟମିତତା ଦେଖାଦେଇଛି। ଟୋକନ ମିଳିଛି,...
ଦମ୍ପତିଙ୍କୁ ନିଶା ସ୍ପ୍ରେ ଘରୁ ନେଇଗଲେ ଲକ୍ଷାଧିକ ଟଙ୍କା, ଆଉ ତା ପରେ
ବାଲେଶ୍ୱର ଅଫିସ,୧୭।୬: ବାଲେଶ୍ବର ଜିଲା ସୋର ଥାନା ବ୍ରାହ୍ମଣସାହି ଗାଁରେ ବୁଧବାର ବିଳମ୍ବିତ ରାତିରେ ଲୁଟ୍ ହୋଇଛି। କେତେକ ଦୁର୍ବୃତ୍ତ ଘରେ ପଶି ପରିବାର ଲୋକଙ୍କୁ...
ଲକ୍ଡାଉନ୍ ନିୟମ ଉଲ୍ଲଙ୍ଘନ ପରେ ଦୃଢ଼ କାର୍ଯ୍ୟାନୁଷ୍ଠାନ
ଛତ୍ରପୁର,୧୭।୬(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁରରେ ଲକ୍ଡାଉନ୍ ନିୟମ ଉଲ୍ଲଙ୍ଘନ ହୋଇଥିବା ଦେଖିବାକୁ ମିଳିଛି । ଏନେଇ ଛତ୍ରପୁର ଏନ୍ଏସି କର୍ତ୍ତୃପକ୍ଷ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।...
କୁଷ୍ଠାଶ୍ରମ ଅନ୍ତେବାସୀଙ୍କ ସହିତ ଜନ୍ମଦିନ ପାଳିଲେ ପର୍ବତାରୋହୀ ଲିପିକା ସେଟ
ବରଗଡ଼ ଅଫିସ,୧୮।୬: ବରଗଡ଼ର ଆନ୍ତର୍ଜାତୀୟ ପର୍ବତାରୋହୀ ଲିପିକା ସେଟ୍ଙ୍କ ଶୁକ୍ରବାର ଜନ୍ମଦିନ ଥିଲା । ନିଜ ଜନ୍ମଦିନକୁ ଲିପିକା ନିଆରା ଢଙ୍ଗରେ ପାଳନ କରିଥିଲେ। ବରଗଡ଼...
ପୁରୀରେ ହେବ ଆନ୍ତର୍ଜାତିକ ବିମାନ ବନ୍ଦର
ପୁରୀ ଅଫିସ,୧୮ା୬: ପୁରୀରେ ଶ୍ରୀଜଗନ୍ନାଥ ଆନ୍ତର୍ଜାତିକ ବିମାନବନ୍ଦର ପ୍ରତିଷ୍ଠା ପାଇଁ ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ (ଏଏଆଇ)ଙ୍କ ପକ୍ଷରୁ ଏକ କେନ୍ଦ୍ରୀୟ ଟିମ୍ ଗୁରୁବାର ପ୍ରସ୍ତାବିତ...
୮ ଦିନର ବିବାହରେ ଏମିତି କ’ଣ ହେଲା
ଚମ୍ପୁଆ,୧୯।୬: ମାତ୍ର ୮ଦିନ ତଳେ ବିବାହ ବନ୍ଧନରେ ବାନ୍ଧି ହୋଇଥିଲେ। ଉଭୟ ସ୍ବାମୀ ସ୍ତ୍ରୀ ଟ୍ରାକ୍ଟରରେ ଦିନ ମଜୁରିଆ ଭାବେ କାମ କରି ଚଳୁଥିଲେ। ଶୁକ୍ରବାର...
କେହି ଶୁଣିଲେନି, କରୋନା ମୃତକଙ୍କୁ କାନ୍ଧ ଦେଲେ ବିଡିଓ, ସରପଞ୍ଚ
ଭଦ୍ରକ ଅଫିସ,୧୭।୬: କରୋନା ଭୟରେ ମୃତଦେହ ପାଖ ମାଡ଼ିଲେନି ସାହି ଭାଇ କିମ୍ବା ସମ୍ପର୍କୀୟ। ଫଳରେ ସ୍ଥାନୀୟ ସରପଞ୍ଚ ଓ ବିଡିଓ ଆଗେଇ ଆସି ମୃତକଙ୍କୁ...
ଶୀତଳଭଣ୍ଡାରରେ କୋଟପା ଆଇନ
ବେଗୁନିଆ,୨୮।୬(ଡି.ଏନ୍.ଏ.): ତମାଖୁ ବିକ୍ରି ଓ ସେବନ ରୋକିବା ପାଇଁ ସିଗାରେଟ ଏବଂ ଅନ୍ୟାନ୍ୟ ତମାଖୁ ଦ୍ରବ୍ୟ ନିବାରଣ ଆଇନ(କୋଟପା) ରହିଛି। ଜନ ସଚେତନତା ଅଭାବ ସାଙ୍ଗକୁ...


