ବାଲେଶ୍ୱର ଅଫିସ,୧୭।୬: ବାଲେଶ୍ବର ଜିଲା ସୋର ଥାନା ବ୍ରାହ୍ମଣସାହି ଗାଁରେ ବୁଧବାର ବିଳମ୍ବିତ ରାତିରେ ଲୁଟ୍ ହୋଇଛି। କେତେକ ଦୁର୍ବୃତ୍ତ ଘରେ ପଶି ପରିବାର ଲୋକଙ୍କୁ ନିଶା ଦ୍ରବ୍ୟ ସିଞ୍ଚି ମାରି ଅଚେତ କରାଇ ଦେଇ ୨୦ ଲକ୍ଷ ଟଙ୍କାର ଗହଣା ନେଇ ଯାଇଛନ୍ତି।
ସୂଚନାନୁସାରେ, ବ୍ରାହ୍ମଣସାହି ଗାଁର ସୂର୍ଯ୍ୟକାନ୍ତ ପଣ୍ଡା ଓ ତାଙ୍କ ସ୍ତ୍ରୀ ଘରେ ଶୋଇଥିବା ବେଳେ ବୁଧବାର ବିଳମ୍ବିତ ରାତିରେ ଦୁର୍ବୃତ୍ତମାନେ ତାଙ୍କ ଘରର ସ୍କାଏଲାଇଟ ଭାଙ୍ଗି ଘରେ ପଶିଥିଲେ । ଦମ୍ପତିଙ୍କୁ ନିଶା ସ୍ପ୍ରେ କରି ଆଲମାରୀ ଭାଙ୍ଗି ୨୦ ଲକ୍ଷରୁ ଊଦ୍ଧର୍ବ ଟଙ୍କାର ଗହଣା ଲୁଟ କରିଥିଲେ । ପରେ ସେମାନେ ଘରର ବାହାର ପଟୁ ଲକ୍ କରି ଚମ୍ପଟ ମାରିଥିଲେ । ଗୁରୁବାର ପୂର୍ବାହ୍ନରେ ପଡ଼ିଶା ଘର ଲୋକେ କବାଟ ଖୋଲିବା ପରେ ସୂର୍ଯ୍ୟକାନ୍ତ ଘରେ ଚୋରି ହୋଇଥିବା ଦେଖିବାକୁ ପାଇଥିଲେ। ଏନେଇ ସୂର୍ଯ୍ୟକାନ୍ତ ସୋର ଥାନାରେ ଅଭିଯୋଗ କରିବା ପରେ ସୋର ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି ।
