‘ଅନୁପମା’ ନିର୍ମାତାଙ୍କୁ ବଡ଼ ଝଟ୍‌କା: ପ୍ରଥମେ ଟିଆର୍‌ପିରେ ପଛୁଆ, ଏବେ ଶୋ’ ଛାଡ଼ିଲେ ଏହି କଳାକାର

ବମ୍ବେ: ଲଗାତାର ଭାବେ ଟିଆର୍‌ପି ତାଲିକା ଶୀର୍ଷରେ ରହୁଥିବା ଧାରାବାହିକ ‘ଅନୁପମା’କୁ ଗୋଟିଏ ପରେ ଗୋଟିଏ ଝଟକା ଲାଗୁଛି। କିଛି ସପ୍ତାହ ଧରି ଏହା ଟିଆର୍‌ପି ତାଲିକାରେ ପଛରେ ପଡ଼ିଥିଲା। ଏବେ ଧାରାବାହିକ ସହ ଜଡ଼ିତ ଜଣେ କଳାକାର ଅନୁପମା ଛାଡ଼ିବାକୁ ଯାଉଛନ୍ତି। ଅଭିନେତା ଜଣଙ୍କ ହେଲେ ଅପୂର୍ବ ଅଗ୍ନିହୋତ୍ରୀ। ସେ ନିଜର ଶୁଟିଂ ଶେଷ କରିଛନ୍ତି। କିଛି ଦିନ ଧରି ଟିମ୍‌ ସହ ଯୋଡ଼ି ହେବାକୁ ନେଇ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।

ତେବେ ଧାରାବାହିକରେ ଦେଖାଯାଉଥିବା ନୂଆ ଟ୍ରାକ୍‌ ଦର୍ଶକଙ୍କୁ ପସନ୍ଦ ଆସୁନାହିଁ। ନାୟିକା ଅନୁପମାଙ୍କୁ କ୍ୟାନ୍‌ସର କଥାକୁ କେହି ପସନ୍ଦ କରୁ ନାହାନ୍ତି। ପୂର୍ବରୁ ଡାକ୍ତର ଭୂମିକାରେ ଅପୂର୍ବଙ୍କ ଏଣ୍ଟ୍ରିକୁ ନେଇ ବହୁତ କିଛି ଆଶା କରାଯାଉଥିଲା। ହେଲେ ତାହା ଫସର ଫାଟିଛି। ଏଣୁ ଅପୂର୍ବଙ୍କୁ ବାହାର କରାଯିବାର ନିଷ୍ପତ୍ତି ନିଆଯାଇଛି।