ସଲମାନଙ୍କ ଉପରେ ରାଗିକରି ଚିତ୍କାର କରିଥିଲେ ଏହି ଅଭିନେତା, ଏପରି ଥିଲା ଭାଇଜାନଙ୍କ ପ୍ରତିକ୍ରିୟା

ସଲମାନ ଖାନ ନିଜର ଆଧିପତ୍ୟ ହେତୁ ବଲିଉଡରେ ବହୁତ ପ୍ରସିଦ୍ଧ। ତାଙ୍କ ଚଳଚ୍ଚିତ୍ର ସହିତ ତାଙ୍କ ରାଗ ପାଇଁ ସେ ମଧ୍ୟ ଅନେକ ସମୟରେ ଚର୍ଚ୍ଚାରେ ରହିଥାନ୍ତି। ତେବେ ତାଙ୍କ ଉପରେ କିଏ ପାଟି କରିବ ଏହା ନିଶ୍ଚେ ଆଶ୍ଚର୍ଯ୍ୟକର। ସଲମାନ ଅନେକ ଲୋକଙ୍କ ଉପରେ ପାଟିତୁଣ୍ଡ କରିଛନ୍ତି କିନ୍ତୁ କେହି ତାଙ୍କୁ କେହି ଗାଳିି କରିବ ଏବଂ ସେ ସ୍ନେହପୂର୍ଣ୍ଣ ପ୍ରତିକ୍ରିୟା ଦେବେ ଏହା ପ୍ରକୃତରେ ଆଶ୍ଚର୍ଯ୍ୟ କରିପାରେ । କିନ୍ତୁ ଏହା ସମ୍ପୂର୍ଣ୍ଣ ସତ୍ୟ ଯେ, ଶୁଟିଂ ସମୟରେ ଜଣେ ଅଭିନେତା ସଲମାନ ଖାନଙ୍କୁ ଗାଳି କରିଥିଲେ। ସେ ହେଲେ ଆଦିତ୍ୟ ରୟ କପୁର।

ଲଣ୍ଡନ ଡ୍ରିମ୍ସ ସୁଟିଂ ସମୟରେ ଆଦିତ୍ୟ ସଲମାନଙ୍କ ଉପରେ ପାଟି କରିଥିଲେ। ୨୦୦୯ ମସିହାରେ ‘ଲଣ୍ଡନ ଡ୍ରିମ୍ସ’ରେ ସଲମାନ ଖାନ, ଅଜୟ ଦେବଗନ, ଆଦିତ୍ୟ ଏବଂ ରଣବିଜୟ ସିଂ ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମ ଦର୍ଶକଙ୍କୁ ଅଧିକ ପସନ୍ଦ ଆସି ନ ଥିଲା। ତେବେ ଆଦିତ୍ୟ ଏହି ଚଳଚ୍ଚିତ୍ର ସହିତ ଜଡ଼ିତ ଏକ ମଜାଳିଆ କଥା କହିଥିଲେ। ଆଦିତ୍ୟ କହିଥିଲେ ଯେ, ଫିଲ୍ମରେ ତାଙ୍କର ପ୍ରଥମ ଶର୍ଟ ସଲମାନ ଖାନଙ୍କ ସହ ଥିଲା, ଯେଉଁଥିରେ ତାଙ୍କୁ ସଲମାନ ଖାନଙ୍କୁ ଗାଳି କରିବାକୁ ଥିଲା।

ଆଦିତ୍ୟ କହିଛନ୍ତି ଯେ, ମୋର ପ୍ରଥମ ଦୃଶ୍ୟ ହସ୍ପିଟାଲରେ ଥିଲା, ଯାହାକି ରଣବିଜୟ, ସଲମାନ ଏବଂ ଅଜୟ ଦେବଗନଙ୍କ ସହ ଥିଲା। ଏହି ଦୃଶ୍ୟରେ ସଲମାନ ଶୋଇଥିଲେ ଏବଂ ମୋତେ ତାଙ୍କ ଉପରେ ପାଟି କରିବାରଥିଲ। ଯଦିଓ ଏହା କେବଳ ଏକ ଶୁଟିଂ ଦୃଶ୍ୟ ଥିଲା, କିନ୍ତୁ ଏହା ମୋ ମନରେ ବାରମ୍ବାର ଚାଲିଥିଲା ଯେ ମୁଁ ତାଙ୍କୁ ପାଟି କରିବାର ସାହସ କେଉଁଠୁ ପାଇଲି।
ଏହି ଘଟଣା ପାଇଁ ଆଦିତ୍ୟ ଅନେକ ରିଟେକ ନେଇଥିଲେ।

ଆଦିତ୍ୟ ଆହୁରି ମଧ୍ୟ କହିଛନ୍ତି, ସଲମାନ ଖାନଙ୍କ ଉପରେ ପାଟି କରିବାର ତାଙ୍କର ସାହସ ନ ଥିଲା। ତେଣୁ ସେ ଏହି ଦୃଶ୍ୟରେ ଅନେକ ରିଟେକ ନେଇଥିଲେ। ସେ କହିଛନ୍ତି, ମୁଁ ମନେ ରଖିନାହିଁ ଏହି ଗୋଟିଏ ଦୃଶ୍ୟର କେତେ ରିଟେକ ନେଇଥିଲି। ଶେଷରେ ସାହସ କଲି ଏବଂ ସଲମାନ ଖାନଙ୍କ ଉପରେ ଚିତ୍କାର କରୁଥିବା ଦୃଶ୍ୟକୁ ସମାପ୍ତ କଲି।

କିଛି ସମୟ ପରେ ସଲମାନ ମାତେ ଚାହିଁଲେ କହିଲେ କ’ଣ ହେଲା ମୁଁ ଭାବିଲି ସେ ରାଗିଗଲେ ଏବଂ ମୁଁ ସଙ୍ଗେ ସଙ୍ଗେ ତାଙ୍କୁ କ୍ଷମା ମାଗିବାକୁ ଲାଗିଲି । କିନ୍ତୁ ସେ ହସି ହସି କହିଲେ ଯେ ଏହା ମଜା ଥିଲା। ଆପଣ ବହୁତ ଭଲ କରିଛନ୍ତି।