୬୫୦୦ ଫୁଟ ଉଚ୍ଚ ପାହାଡ଼ ଉପରେ ଅନ୍ତରଙ୍ଗ ମୁହୂର୍ତ୍ତରେ ମାତିଥିଲେ ପ୍ରେମୀଯୁଗଳ, ଜାଣି ନ ଥିଲେ ଲାଗିଛି ଓ୍ବେବ୍‌ କ୍ୟାମେରା, ଆଉ ତା’ ପରେ…

ପ୍ରେମୀଯୁଗଳ ଉଚ୍ଚ ପାହାଡ଼ ଉପରେ ରୋମାନ୍ସ କରୁଥିଲେ। ଯାହାକି ତାଙ୍କୁ ମହଙ୍ଗା ପଡ଼ିଛି। ଏହି ଯୋଡ଼ି ୬୫୦୦ ଫୁଟ ଉଚ୍ଚରେ ଶାରୀରିକ ସମ୍ବନ୍ଧ ରକ୍ଷା କରିଥିଲେ। ଏହି ସମୟରେ ପହାଡ଼ରେ ଥିବା ଏକ ଓ୍ବେବ୍‌ କ୍ୟାମେରାରେ ଏହି ଦୃଶ୍ୟ କଏଦ ହୋଇଥିଲା। ପରେ ଏହା ସୋସିଆଲ ମିଡିଆରେ ଭାଇରାଲ ହେଉଛି।

ଅଷ୍ଟ୍ରିଆର ସବୁଠୁ ଉଚ୍ଚା ପାହାଡ଼ ଶୃଙ୍ଖଳା ନକ୍‌ ପର୍ବତ ଉପରେ ଏହି ଘଟଣା ଘଟିଥିଲା। ପ୍ରେମୀଯୁଗଳ ପାହାଡ଼ ଚଢ଼ିବା ପରେ ବହୁତ ଥକି ପଡ଼ିଥିଲେ। ସେ ଆରାମ କରିବାକୁ ନିଷ୍ପତ୍ତି ନେଇଥିଲେ। କିଛି ସମୟରେ ପରେ ଦୁଇଜଣ ରୋମାନ୍ସରେ ମାତିଗଲେ। ମାତ୍ର ସେମାନେ ଜାଣି ନ ଥିଲେ ପାହାଡ଼ ଉପରେ ଏକ ଓ୍ବେବ୍‌ କ୍ୟାମେରା ରହିଛି ବୋଲି। ଅଳ୍ପ ସମୟ ମଧ୍ୟରେ ଏହି ଫଟୋ କ୍ଲିକ୍‌ ହୋଇଥିଲା। କିଛିଦିନ ପରେ ଏହି ଅନ୍ତରଙ୍ଗ ମୁହୂର୍ତ୍ତର ଫଟୋଗୁଡ଼ିକ ସୋସିଆଲ ମିଡିଆରେ ଭାଇରାଲ ହୋଇଥିଲା।

ଓ୍ବେବ୍‌ ମିଡିଆ ସଲ୍ୟୁସନର ରୋନାଲ୍ଡ ସ୍କ୍ଲେଣ୍ଡର କହିଛନ୍ତି ଯେ, ପାନୋରାମା ଏବଂ ପାଣିପାଗ କ୍ୟାମେରାକୁ ସିସିଟିଭି କ୍ୟାମେରା ଭାବରେ ବିବେଚନା କରାଯାଇପାରିବ ନାହିଁି। କାରଣ ଏହି କ୍ୟାମେରାଗୁଡ଼ିକ କ୍ରମାଗତ ଭାବରେ ରେକର୍ଡ ପ୍ରସାରଣ କରନ୍ତି ନାହିଁ। ମାତ୍ର ଦୁର୍ଭାଗ୍ୟଜନକ କଥା ଏହି ଯୋଡ଼ିଙ୍କ ଫଟୋ ଭାଇରାଲ ହୋଇଗଲା। ଏହା ପ୍ରକୃତରେ ସଫ୍ଟଓ୍ବେୟାର ତ୍ରୁଟି ଯୋଗୁ ହୋଇଛି।

ସେ କହିଛନ୍ତି, ସାଧାରଣତଃ କ୍ୟାମେରାକୁ ଏପରି ସ୍ଥିତିରେ ରଖାଯାଇଥାଏ ଯେ, ଏଠାକୁ ଆସୁଥିବା ଲୋକେ ଜାଣି ବି ପାରନ୍ତି ନାହିଁ। କ୍ୟାମେରା ବହୁତ ଦୂରରେ ଲାଗିଥାଏ। ରୋନାଲ୍ଡ ଏକଥା ମଧ୍ୟ କହିଛନ୍ତି, ଆମେ ଏମିତି ଭାବରେ କ୍ୟାମେରା ରଖିଥାଉ ଯେମିତି ଲୋକଙ୍କ ଚେହେରା ଚିହ୍ନା ନ ପଡୁ। ମାତ୍ର ସଫ୍ଟଓ୍ବେୟାର ତ୍ରୁଟି ଯୋଗୁ ଏହି ଫଟୋ ଭାଇରାଲ ହୋଇଗଲା। କାରଣ ଓ୍ବେବ୍‌ କ୍ୟାମେରାରେ ଫଟୋଗୁଡ଼ିକ ଗୁପ୍ତ ରଖାଯାଇଥାଏ। ଏକଥା ବି ସେ କହିଛନ୍ତି, ଏଠାକୁ ଆସିବା ବେଳେ ରାସ୍ତାରେ ଲେଖାଯାଇଛି। କ୍ୟାମେରା ଲାଗିଛି। ଯାହା ଜଣାପଡୁଛି ଏହି ପ୍ରେମୀଯୁଗଳ ଏହାକୁ ଜାଣିପାରିନାହାନ୍ତି।