ପ୍ରେମ କରି ଚର୍ଚ୍ଚାରେ ବିଶ୍ୱର ଏହିସବୁ ଲୋକପ୍ରିୟ ନେତା

ନିକଟରେ ବ୍ରିଟେନର ପ୍ରଧାନମନ୍ତ୍ରୀ ବୋରିସ ଜନସନ ୱେଷ୍ଟମିଂଷ୍ଟର କ୍ୟାଥେଡ୍ରଲରେ ତାଙ୍କ ଗର୍ଲଫ୍ରେଣ୍ଡ କ୍ୟାରି ସାଇମଣ୍ଡସଙ୍କୁ ଗୁପ୍ତରେ ବିବାହ କରିଥିଲେ। ୫୬ ବର୍ଷ ବୟସରେ ବୋରିସ ତୃତୀୟ ଥର ବିବାହ କରିବାକୁ ନେଇ ବ୍ରିଟେନରେ ଅନେକ ଚର୍ଚ୍ଚା ହୋଇଥିଲା। ଏବେ ସେମାନଙ୍କର ବିବାହ ପ୍ରମାଣପତ୍ର ସାମ୍ନାକୁ ଆସିଛି। ବିବାହ ପ୍ରମାଣପତ୍ର ଅନୁଯାୟୀ, ପିଏମ ବୋରିସ ଜନସନ ଏବଂ ତାଙ୍କ ସ୍ତ୍ରୀ କ୍ୟାରି ସାଇମଣ୍ଡସଙ୍କ ବୟସ ମଧ୍ୟରେ ୨୩ ବର୍ଷର ପାର୍ଥକ୍ୟ ଅଛି। ଜନସନଙ୍କ ପୂର୍ବରୁ ପୂର୍ବରୁ ଅନେକ ଲୋକପ୍ରିୟ ନେତା ଅଛନ୍ତି ଯେଉଁମାନେ ନିଜଠାରୁ ବୟସରେ ବହୁ ସାନ ମହିଳାଙ୍କୁ ଭଲ ପାଇ ବିବାହ କରିଛନ୍ତି। ଜାନ୍ତbୁ ସେମିତି କିଛି ନେତାଙ୍କ ବିଷୟରେ…

କିମ ଜୋଙ୍ଗ ଉନ୍‌
ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ୍‌ଙ୍କ ବର୍ବରତାର କାହାଣୀ ସମଗ୍ର ବିଶ୍ୱ ଜାଣିଛି। କିମଙ୍କ ଜୀବନ ଯେତେ ରହସ୍ୟମୟ, ତା’ର ବିବାହ ମଧ୍ୟ ସେତିକି ରହସ୍ୟମୟ ଅଟେ। କିମ କେବେ ଓ କିପରି ବିବାହ କରିଥିଲେ ତାହା କେହି ଜାଣନ୍ତି ନାହିଁ। କିମ ଜୋଙ୍ଗ-ଉନଙ୍କ ରହସ୍ୟମୟ ଦୁନିଆର ଏକ ଗୁରୁତ୍ୱପୂର୍ଣ୍ଣ ଅଂଶ ହେଉଛି ତାଙ୍କ ସ୍ତ୍ରୀ ରି ସୋଲ ଜୁ। ମିଡିଆ ରିପୋର୍ଟ ଅନୁଯାୟୀ, ୨୦୦୫ରେ ଏସୀୟ ଆଥଲେଟ୍ସ ଚାମ୍ପିଅନସିପ ସମୟରେ ରି ଦେଶର ରାଜଧାନୀ ପ୍ୟୋଙ୍ଗୟାଙ୍ଗ ଆସିଥିଲେ। ତାଙ୍କୁ ୯୦ ଜଣ ଚିୟରଲିଡର ଦଳରେ ଅନ୍ତର୍ଭୁକ୍ତ କରାଯାଇଥିଲା। ଏହି ସମୟରେ କିମ ଜୋଙ୍ଗ-ଉନ ପ୍ରଥମେ ରି ସୋଲ ଜୁଙ୍କ ନଜରରେ ଆସିଥିଲେ ଏବଂ ଏଠାରେ ଦୁହେଁ ସାକ୍ଷାତ ହୋଇଥିଲେ। ୨୦୦୯ରେ ଉନ୍‌ ରିଙ୍କୁ ବିବାହ କରିଥିଲେ। ୨୦୧୦ରେ ଉଭୟଙ୍କ ଏକ ସନ୍ତାନ ମଧ୍ୟ ଜନ୍ମ ହୋଇଥିଲା। ତେବେ ସରକାରୀ ଭାବେ ଏହାକୁ ସ୍ପଷ୍ଟ କରାଯାଇ ନାହିଁି।

ଇମାନୁଏଲ୍‌ ମାକ୍ରୋନ୍‌
ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ପ୍ରେମ କାହାଣୀ ମଧ୍ୟ ଚର୍ଚ୍ଚାରେ ରହିଥିଲା। ବିଶେଷ କଥା ହେଉଛି ସେ ତାଙ୍କଠାରୁ ୨୪ ବର୍ଷ ବଡ ବ୍ରିଗିଟ ଟ୍ରୋଗନକ୍ସଙ୍କୁ ବିବାହ କରିଛନ୍ତି। ୬୪ ବର୍ଷିୟ ବ୍ରିଗିଟ ବିଦ୍ୟାଳୟରେ ମାକ୍ରୋନଙ୍କ ଶିକ୍ଷକ ଥିଲେ। ମାକ୍ରୋନ ତାଙ୍କଠାରୁ ୨୪ ବର୍ଷ ସାନ ଥିଲେ। ସେହି ସମୟ ମଧ୍ୟରେ ଦୁହେଁ ପରସ୍ପରକୁ ଭଲ ପାଉଥିଲେ। ବିଶେଷ କଥା ହେଉଛି ବ୍ରିଗିଟଙ୍କ ଝିଅ ମାକ୍ରୋନଙ୍କ ସହପାଠୀ ଥିଲେ।

ଇମ୍ରାନ ଖାନ୍‌
ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ ତାଙ୍କ ରୋମାଣ୍ଟିକ ଜୀବନଶୈଳୀ ବିଷୟରେ ସମସ୍ତଙ୍କୁ ଜଣା। ସେ ୬୫ ବର୍ଷ ବୟସରେ ତୃତୀୟ ଥର ବିବାହ କରିଥିଲେ। ୪୦ ବର୍ଷର ବୁଶ୍‌ରା ଶାନ ପ୍ରଥମେ ଇସଲାମାବାଦର ଜଣେ ବରିଷ୍ଠ କଷ୍ଟମ୍ସ ଅଧିକାରୀଙ୍କୁ ବିବାହ କରିଥିଲେ। ଏହାପୂର୍ବରୁ ଇମ୍ରାନ ଖାନଙ୍କ ପ୍ରଥମ ବିବାହ ବ୍ରିଟିଶ ଜନ୍ମିତ ଜେମିମାଙ୍କ ସହ ହୋଇଥିଲା। ୨୦୦୪ରେ ଛାଡପତ୍ର ପରେ ଇମ୍ରାନ ଖାନ ଦ୍ୱିତୀୟ ଥର ପାଇଁ ଟିଭି ଉପସ୍ଥାପିକା ରେହମ ଖାନଙ୍କୁ ବିବାହ କରିଥିଲେ। ଏହି ସମ୍ପର୍କ କେବଳ ୧୦ ମାସ ପର୍ଯ୍ୟନ୍ତ ଚାଲିଥିଲା।

ଡୋନାଲ୍ଡ ଟ୍ରମ୍ପ
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ତାଙ୍କଠାରୁ ୨୪ ବର୍ଷ ସାନ ମଡେଲ ମେଲାନିଆଙ୍କୁ ବିବାହ କରିଛନ୍ତି। ଟ୍ରମ୍ପ ଏବଂ ମେଲାନିଆ ଟ୍ରମ୍ପଙ୍କ ପ୍ରେମ କାହାଣୀ ୧୯୯୮ ମସିହାରେ ଆରମ୍ଭ ହୋଇଥିଲା। ସେତେବେଳେ ଟ୍ରମ୍ପଙ୍କୁ ୫୨ବର୍ଷ ଏବଂ ମେଲାନିଆଙ୍କୁ ୨୮ ବର୍ଷ ବୟସ ହୋଇଥିଲା। ୨୦୦୪ରେ, ଟ୍ରମ୍ପ ୧.୫ ମିଲିୟନ ଡଲାରର ହୀରା ମୁଦି ପିନ୍ଧାଇ ବିବାହ ପାଇଁ ମେଲାନିଆଙ୍କୁ ପ୍ରସ୍ତାବ ଦେଇଥିଲେ। ଏହା ପରେ ଦୁହେଁ ବିବାହ କରିଥିଲେ।