ଦିଲ୍ଲୀର ମେଟ୍ରୋ ଟ୍ରେନ୍ରେ ଏକ ଅଜବ ଦୃଶ୍ୟ ନଜରକୁ ଆସିଛି। ଟ୍ରେନ୍ ବଗିରେ ଥିବା ଲୋକ ଅଡୁଆରେ ପଡ଼ିଥିଲେ ଯେତେବେଳେ ଗୋଟିଏ ମାଙ୍କଡ଼ ଆସି ସେମାନଙ୍କ ନିକଟରେ ବସିଗଲା। ଏବେ ଏହି ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଛି।
एक बंदर 🐒मेट्रो 🚝 के अंदर
Free ride for 🐒 monkey inside Delhi 🚝 Metro..
No masks needed.. pic.twitter.com/5aQDGftAdF
— मुंबई Matters™✳️ (@mumbaimatterz) June 19, 2021
ଭିଡିଓରେ ଦେଖିବେ, ଦିଲ୍ଲୀ ମେଟ୍ରୋ ଟ୍ରେନ୍ରେ ଏକ ମାଙ୍କଡ଼ ଲୋକଙ୍କ ପାଖରେ ବସି ଯାତ୍ରା କରୁଛି। ମାଙ୍କଡ଼ଟି ଯେଉଁ ଟ୍ରେନ୍ରେ ବସିଥିଲା ଉକ୍ତ ଟ୍ରେନ୍ଟି ଆନନ୍ଦ ବିହାରରୁ ଦ୍ୱାରିକା ଯାଉଥିଲା। ମାଙ୍କଡ଼ଟି କେତେବେଳେ ଟ୍ରେନ୍ ଭିତରେ ଚାଲୁଛି ତ ଆଉ କେତେବେଳେ ଆସି ସିଟ୍ ଉପରେ ବସିପଡୁଛି। ମଝିରେ ମଝିରେ ଝରକା ପାଖରେ ବସି ବାହାରର ଦୃଶ୍ୟ ଦେଖୁଛି।
ଭିଡିଓକୁ କେହି ରେକର୍ଡିଂ କରି ସୋସିଆଲ ମିଡିଆରେ ଶେୟାର କରିଦେଇଛନ୍ତି। ଯାହାକୁ ଲୋକେ ବାରମ୍ବାର ଦେଖି ମଜା ନେଉଛନ୍ତି। ଗତ ୧୯ ତାରିଖ ସନ୍ଧ୍ୟାରେ ଶେୟାର ହୋଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ୧୪୦୦୦ ଲୋକ ଦେଖିସାରିଲେଣି। ୟୁଜରମାନେ ଭିନ୍ନ ଭିନ୍ନ କମେଣ୍ଟ ବି ଦେଉଛନ୍ତି।
