ନିଆଙ୍କ ଉପରେ ରାଗିଗଲେ ଦେବୋଲିନା: କହିଲେ ‘ଖାଲି ଫ୍ୟାଶନ୍‌ ଦେଖାଇଲେ ହେବନି; ମଣିଷ ହେବା ଲାଗି…’

ବମ୍ବେ: ଟୁଇଟରରେ ଟଣାଓଟରା। କିଏ ଠିକ୍‌ କିଏ ଭୁଲ କହିବା ମୁସ୍କିଲ। ହେଲେ ପରୋକ୍ଷରେ ଆରୋପ ପ୍ରତ୍ୟାରୋପ ସହ ଅଭିନୟକୁ ନେଇ କଥା କଟାକଟି ଜାରି ରହିଛି। ଆମେ କଥା ହେଉଛୁ ଟେଲିଭିଜନଜଗତର ଦୁଇ ଅଭିନେତ୍ରୀ ଦେବୋଲିନା ଭଟ୍ଟାଚାର୍ଯ୍ୟ ଏବଂ ନିଆ ଶର୍ମାଙ୍କ ବିଷୟରେ।

ଅଭିନେତା ପର୍ଲ ବି ପୁରୀ ବଳାତ୍କାର ମାମଲାରେ ଛନ୍ଦି ହୋଇପଡ଼ିଛନ୍ତି। ଏକ ନାବାଳିକାଙ୍କ ସହ ସେ ଦୁର୍ବବ୍ୟହାର କରିଥିବା ଅଭିଯୋଗ ହେବା ପରେ ତାଙ୍କୁ ପୋସ୍କୋ ଆକ୍ଟ ଜରିଆରେ ଗିରଫ କରାଯାଇଥିଲା। ଘଟଣା ଚର୍ଚ୍ଚାରେ ରହିଥିବା ବେଳେ ଅଭିନେତାଙ୍କ ସମର୍ଥନରେ ଅନେକ କଳାକାର ବାହାରିଛନ୍ତି। ସେମାନଙ୍କ ମଧ୍ୟରୁ ନିଆ ଜଣେ। ହେଲେ ଦେବୋଲିନା କିଛିଟା ଭିନ୍ନ ଟିପ୍ପଣୀ ଦେଇଥିଲେ। ନାବାଳିକାଙ୍କ ପରିଚୟ ସାର୍ବଜନୀନ କରିବା ସହ ତାଙ୍କ ଚରିତ୍ର ଚିତ୍ରଣ କରାଯାଉଛି। ଏହା ଅନୁଚିତ, ଅଶୋଭନୀୟ। କୋର୍ଟ ତାର ରାୟ ପ୍ରକାଶ କରନ୍ତୁ। ଖାଲି ସୋସିଆଲ ମିଡିଆରେ କହିଲେ ପର୍ଲଙ୍କ ସହାୟତା ହୋଇପାରିବ ନାହିଁ। ଧାରଣାରେ ବସ, ନଖାଇ ନ ପିଇ ହରତାଳ କର। ହେଲେ ଏଭଳି ସାତ ବର୍ଷର ଏକ ଶିଶୁକୁ ଖରାପ କୁହନାହିଁ ବୋଲି ଦେବୋଲିନା କହିଥିଲେ।

ଏହି ଟୁଇଟ୍‌ର ଜବାବ ଦେଇଥିଲେ ନିଆ। ଦିଦିଙ୍କୁ କୁହ ମହାମାରୀର ସମୟ। ଧାରଣା କିମ୍ବା ମହମ ଶୋଭାଯାତ୍ରା କରିପାରିବା ନାହିଁ। ଦିଦିଙ୍କୁ କେବଳ ରିଲ୍‌ କରିବା ପୂର୍ବରୁ ଅଧିକ ଅଭ୍ୟାସ କରିବାର ଆବଶ୍ୟକତା ରହିଛି। ସେ କିନ୍ତୁ ଭାବୁଛନ୍ତି ସେ ବେଶ୍‌ ଭଲ କରୁଛନ୍ତି।

ଏହାର ପାଲଟା ଜବାବ ଦେଇଛନ୍ତି ଦେବୋଲିନା। କେହି ଜଣେ ଛୋଟ ଝିଅକୁ କହିଦିଅ କେବଳ ଫ୍ୟାଶନ୍‌ କରିବା ଦ୍ୱାରା କେହି ମଣିଷ ହୋଇଯାଏ ନାହିଁ। ଭଲ ଚିନ୍ତାଧାରା ଏବଂ ହୃଦୟର ଆବଶ୍ୟକତା ରହିଛି। ହେଲେ ତାଙ୍କ ପାଖେ ସେ ସବୁ ନାହିଁ। ମୋର ରିଲ୍‌ ଭଲ କି ଖରାପ ପ୍ରଶଂସକ ହିସାବ କରିବେ। ଏଥିରେ ବିଚାରପତି ନହୋଇ ଫଟୋଶୁଟ୍‌ ଉପରେ ଧ୍ୟାନ ଦିଅ। ଯିଏ ଗାଳି ଦେଉଛନ୍ତି ତାଙ୍କୁ ମୁଁ କହୁଛି। ତୁମକୁ ରାଗ କାହିଁକି ଲାଗିଲା ବୋଲି ସେ କହିଛନ୍ତି।