ଯୋଡା/ଚମ୍ପୁଆ,୨୪।୬(ଡି.ଏନ୍.ଏ.): କେନ୍ଦୁଝର ଜିଲା ଚମ୍ପୁଆ ରେଞ୍ଜ୍ ଅନ୍ତର୍ଗତ କୋଦଗାଡିଆ ଗ୍ରାମରେ ମଙ୍ଗଳବାର ରାତି ସାଢେ ୮ଟାରେ ହାତୀପଲ ଆସି ଉପଦ୍ରବ କରି ୪ ଘର ଭାଙ୍ଗିଛନ୍ତି। ଲୋକଙ୍କ ଘର ଭାଙ୍ଗିବା ପରେ ଗ୍ରାମରେ ଆତଙ୍କ ଖେଳିଯାଇଛି ା ପ୍ରତିବର୍ଷ ଏପରି ହାତୀପଲ ଆସି ବ୍ୟାପକ ଘର ଭାଙ୍ଗିଚାଲିଛନ୍ତି। ମାତ୍ର ବନ ବିଭାଗର ଖାମଖିଆଲି ଯୋଗୁ ଅବସ୍ଥା ସୁଧୁରୁନାହିଁ। ଲୋକେ ଘର ଭଙ୍ଗାର କ୍ଷତିପୂରଣ ପାଇବାରୁ ବଞ୍ଚିତ ହେଉଛନ୍ତି। ସୁଚନା ଅନୁଯାୟୀ, ମଙ୍ଗଳବାର ରାତିରେ ୨୩ ଗୋଟି ହାତୀ ଗ୍ରାମରେ ପଶି ଉପଦ୍ରବ ରଚିଥିଲେ। ଏହି ଉପଦ୍ରବରେ ଗା୍ରମର ଜଙ୍ଗଲକଡ଼ରେ ଥିବା ଶିବନାଥ ମହାନ୍ତଙ୍କ ଘରକୁ ହାତୀପଲ ସମ୍ପୂର୍ଣ୍ଣ ଭାଙ୍ଗିଦେଇ ଧାନଚାଉଳ ଖାଇଦେଇଥିଲେ। ତେବେ ହାତୀପଲ ଆସିବା ଜାଣି ଶିବନାଥଙ୍କ ପରିବାରକୁ ବନ ବିଭାଗ ପକ୍ଷରୁ ଅନ୍ୟତ୍ର ସ୍ଥାନାନ୍ତର କରାଯାଇଥିଲା ା ହାତୀପଲ ପା୍ରୟ ଏକ ଘଣ୍ଟା ଧରି ଗା୍ରମର ବିଭିନ୍ନ ସ୍ଥାନରେ ଉପତ୍ାତ ଚଳାଇଥିଲେ। ଅନ୍ୟ ଗା୍ରମବାସୀଙ୍କ ମଧ୍ୟରେ ମହେଶ୍ୱର ନାଏକ, ଅକ୍ଷୟ ବାରିକ, ଚକ୍ର ବାରିକଙ୍କ ଘର ଆଂଶିକ ଭାଙ୍ଗିଥିବା ଜଣାପଡ଼ିଛି। ଗ୍ରାମବାସୀ ଅଭିଯୋଗ କରିଛନ୍ତି ଯେ, ଗତ ବର୍ଷ ମଧ୍ୟ ହାତୀ ଉପଦ୍ରବରେ ଶିବନାଥଙ୍କ ଘର ସମ୍ପୂର୍ଣ୍ଣ ଭାଙ୍ଗିଯାଇଥିଲା। ଏପର୍ଯ୍ୟନ୍ତ ତାଙ୍କୁ ବନବିଭାଗ କ୍ଷତିପୂରଣ ପ୍ରଦାନ କରି ନ ଥିବାବେଳେ ବହୁକଷ୍ଟରେ ମରାମତି କରିଥିବା ଘରକୁ ଆଉଥରେ ହାତୀପଲ ଭାଙ୍ଗିଦେଇଥିବାରୁ ସେ ନିରାଶ୍ରୟ ହୋଇପଡ଼ିଛନ୍ତି। ଏ ସମ୍ପର୍କରେ ଚମ୍ପୁଆ ବନପାଳ ପିଅନ ନାଏକ କହିଛନ୍ତି, ହାତୀ ଗତିବିଧି ଲକ୍ଷ୍ୟ ରଖିବା ପାଇଁ ସ୍ବତନ୍ତ୍ରଭାବେ ଦୃଷ୍ଟି ଦିଆଯାଉଛି ା ହାତୀ ଘଉଡାଇବା ପାଇଁ ସ୍କ୍ବାଡ ଓ ବନ କର୍ମଚାରୀମାନେ ନିୟୋଜିତ ଅଛନ୍ତି।
