ଆଖିବୁଜିଲେ ଜାତୀୟ ପୁରସ୍କାର ବିଜେତା ଏହି ଅଭିନେତା

ଜାତୀୟ ପୁରସ୍କାର ବିଜେତା କନ୍ନଡ ଅଭିନେତା ସଞ୍ଚାରୀ ବିଜୟ ସୋମବାର ପରଲୋକ ଘଟିଛି। ଶନିବାର ରାତିରେ ବେଙ୍ଗାଲୁରୁ ନିକଟରେ ବିଜୟଙ୍କର ଗାଡି ଦୁର୍ଘଟଣା ଘଟିଥିଲା। ଏଥିରେତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଏହି କାରଣରୁ, ୨୮ ବର୍ଷିୟ ସଞ୍ଚାରୀ କୋମାକୁ ପଳାଇଥିଲେ। ଦୁର୍ଘଟଣା ପରେ ତାଙ୍କୁ ମଧ୍ୟ ଅପରେଶନ କରାଯାଇଥିଲା। କିନ୍ତୁ ସେ ଜୀବନର ଯୁଦ୍ଧରେ ହାରିଯାଇଥିଲେ। ଅଭିନେତା ସୁଦୀପ ଟୁଇଟ୍‌ କରି ପ୍ରଶଂସକଙ୍କୁ ଏହି ଦୁଃଖଦ ଖବର ଦେଇଛନ୍ତି। ଅସେ ଟୁଇଟ୍‌ କରି ଲେଖିଛନ୍ତି ଯେ, ସଞ୍ଚାରୀ ବିଜୟ ଶେଷ ନିଶ୍ୱାସ ତ୍ୟାଗ କରିବା ଅତ୍ୟନ୍ତ ନିରାଶାଜନକ। ସେ ଏହି ଲକଡାଉନରେ ତାଙ୍କ ଦୁଇଥର ଭେଟିଥିଲେ। ପରବର୍ତ୍ତୀ ଚଳଚ୍ଚିତ୍ରକୁ ନେଇ ସେ ଉତ୍ସାହିତ ଥିଲେ। ମୁଁ ତାଙ୍କ ପରିବାର ଏବଂ ବନ୍ଧୁମାନଙ୍କୁ ମୋର ଗଭୀର ସମବେଦନା ଜଣାଉଛି।
ସଞ୍ଚାରୀ ବିଜୟଙ୍କ ଚିକିତ୍ସା କରୁଥିବା ଡାକ୍ତରମାନେ କହିଛନ୍ତି ଯେ, ବିଜୟଙ୍କ ମସ୍ତିଷ୍କ ମୃତ, ଏହା ପରେ ତାଙ୍କ ପରିବାର ତାଙ୍କ ଅଙ୍ଗ ଦାନ କରିବାକୁ ନିଷ୍ପତ୍ତି ନେଇଛନ୍ତି। ଏହି ସୂଚନା ତାଙ୍କ ଭାଇ ସିଦ୍ଧେଶ ଦେଇଛନ୍ତି। ତାଙ୍କ ଦେହାନ୍ତରେ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି। ୨୦୧୫ ଚଳଚ୍ଚିତ୍ର ‘ନାନୁ ଆଭାନାଲା ଆଭାଲୁ’ରେ କାମ କରିବା ପରେ ସଞ୍ଚାରୀ ବିଜୟ ଜାତୀୟ ପୁରସ୍କାର ମଧ୍ୟ ପାଇଥିଲେ।