ନୂଆଦିଲ୍ଲୀ,୨୨।୬: ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ତୃତୀୟ ମୋର୍ଚ୍ଚା ଗଠନକୁ ନେଇ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି। ୧୫ ଦିନ ମଧ୍ୟରେ ଦୁଇଥର ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ମୁଖ୍ୟ ଶରଦ ପାୱାରଙ୍କୁ ଭେଟିବା ପରେ ପ୍ରଶାନ୍ତ କିଶୋର କହିଛନ୍ତି ଯେ, ତୃତୀୟ କିମ୍ବା ଚତୁର୍ଥ ମୋର୍ଚ୍ଚା ଭାଜପାକୁ ଟକ୍କର ଦେଇପାରିବ ନାହିଁ। ବର୍ତ୍ତମାନର ରାଜନୈତିକ ପରିସ୍ଥିତିରେ ତୃତୀୟ ମୋର୍ଚ୍ଚର କୌଣସି ଭୂମିକା ନାହିଁ। ୨୦୨୪ ଲୋକ ସଭା ନିର୍ବାଚନ ପାଇଁ ସେ ବିରୋଧୀ ମୋର୍ଚ୍ଚାରେ ତାଙ୍କ ଭୂମିକାକୁ ମଧ୍ୟ ଅସ୍ବୀକାର କରିଛନ୍ତି। ସୂଚନାଯୋଗ୍ୟ, ଯେ ପ୍ରଶାନ୍ତ କିଶୋର ଏବଂ ଏନସିପି ମୁଖ୍ୟ ଶରଦ ପାୱାର ଗତ ସୋମବାର ସାକ୍ଷାତ କରିଥିଲେ। ଏହାପୂର୍ବରୁ ଜୁନ ୧୧ରେ ପାୱାରଙ୍କ ମୁମ୍ବାଇ ଘରେ ଦୁହିଁଙ୍କର ସାକ୍ଷାତ ହୋଇଥିଲା। ଏହାପରେ ତୃତୀୟ ମୋର୍ଚ୍ଚା ଗଠନକୁ ନେଇ ଚର୍ଚ୍ଚା ଆରମ୍ଭ ହୋଇଛି।
