ଅନୁଗୋଳ ଅଫିସ, ୧୧ା୬ ନୂଆ ଠିକା ସଂସ୍ଥା ସଫେଇ ଦାୟିତ୍ୱ ନେବା ପରେ ଅନୁଗୋଳ ସହରର ଆବର୍ଜନା ସମସ୍ୟା ଦୂର ହୋଇଯିବ ବୋଲି ଅନେକେ ଆଶା କରୁଥିଲେ। କିନ୍ତୁ ସହର ପରିବେଶ ପରିଷ୍କାର ପରିବର୍ତ୍ତେ ଅପରିଷ୍କାର ହେଉଥିବା ନେଇ ଆପତ୍ତି ଅଭିଯୋଗ ବଢ଼ିବାରେ ଲାଗିଛି। କରୋନା ସମୟରେ କୁଢ଼ କୁଢ଼ ଆବର୍ଜନା ଅସନ୍ତୋଷର କାରଣ ହୋଇଛି। ନୂଆ ସଂସ୍ଥା ଯେ ଠିକ୍ ଭାବେ କାମ କରୁନାହିଁ ତାହା ଧୀରେ ଧୀରେ ସ୍ପଷ୍ଟ ହେଉଥିବାରୁ ପୌରପାଳିକା ପକ୍ଷରୁ ଏହା ଉପରେ ନଜର ରଖାଯାଇଛି। ଇତିମଧ୍ୟରେ ଏକାଧିକ ଥର ତାଗିଦ୍ ମଧ୍ୟ କରାଯାଇସାରିଛି।
ରାଜ୍ୟକୁ ମୌସୁମୀ ଛୁଇଁଲାଣି। ଆରମ୍ଭରୁ ପ୍ରବଳ ବର୍ଷା ହେବ ବୋଲି ଆକଳନ କରାଗଲାଣି। କିନ୍ତୁ ଏପର୍ଯ୍ୟନ୍ତ ସହର ସଫେଇ କାର୍ଯ୍ୟ ଠିକ୍ ଭାବେ ହୋଇପାରୁ ନାହିଁ। ଗଦା ହୋଇଥିବା ଆବର୍ଜନା ଉଠାଯାଉ ନ ଥିବାରୁ ବର୍ଷା ବେଳେ ଏହା ସହରକୁ ଦୂଷିତ କରିବ। ଡ୍ରେନ୍ ଜାମ୍ କରି ଜଳ ନିଷ୍କାସନ ସମସ୍ୟା ବଢ଼ାଇବ। ଠିକା ସଂସ୍ଥାର ଏପରି ମନମୁଖି କାର୍ଯ୍ୟର ସନ୍ଧାନ କିଛିଦିନ ତଳେ ଜିଲାପାଳ ପାଇଥିଲେ। ସହର ପରିଦର୍ଶନ ସମୟରେ ଜିଲାପାଳ ଅଳିଆ ଗଦା ଦେଖି ବିରକ୍ତି ପ୍ରକାଶ କରିଥିଲେ। ଏହାପରେ କାର୍ଯ୍ୟ ଠିକ୍ଠାକ ଚାଲିଥିଲା। ହେଲେ ସଫେଇ କର୍ମଚାରୀମାନେ ପୁଣି ଢିଲା ମାରିବା ଆରମ୍ଭ କରିଛନ୍ତି। ରାସ୍ତାରେ ପଡ଼ୁଥିବା ଅଳିଆ ଉଠାଇ ପରିଷ୍କାର ନ କରି ଏଣେତେଣେ ଗଦେଇ ଦେଉଛନ୍ତି। ଅଳ୍ପଦିନ ତଳେ ଶିମିଳିପଡ଼ା ନିକଟରେ ଅଳିଆ ଉଠାଇବାକୁ ଯାଇଥିବା ସଫେଇ କର୍ମଚାରୀମାନେ ଆବର୍ଜନା ସବୁ ଏକ ପାଚେରି ପାର୍ଶ୍ୱକୁ ପିଙ୍ଗୁଥିବା ଦେଖାଯାଇଥିଲା। ହରିମହୁରୀ ଛକରୁ ବଜାର ଛକ ରାସ୍ତାରେ ବିଭିନ୍ନ ସମୟରେ ଅଳିଆ ପଡ଼ି ରହୁଛି। ଏହାଦ୍ୱାରା ରାସ୍ତା ସଂକୀର୍ଣ୍ଣ ହୋଇଯାଉଛି। ସେହିଭଳି ଗାନ୍ଧୀ ମାର୍ଗରେ ମଧ୍ୟ ସମାନ ଚିତ୍ର ଦେଖିବାକୁ ମିଳିଛି। ପାଣି ନିଷ୍କାସନ ପାଇଁ ସେଠାରେ ଥିବା ନାଳରେ ସ୍ଥାନୀୟ ଲୋକମାନେ ଅଳିଆ ପକାଉଥିଲେ ମଧ୍ୟ ପୌରପାଳିକା ପକ୍ଷରୁ ଏଥିପ୍ରତି ଦୃଷ୍ଟି ଦିଆଯାଉ ନାହିଁ। ଯେଉଁମାନେ ଏଭଳି କାର୍ଯ୍ୟ କରୁଛନ୍ତି, ସେମାନଙ୍କୁ ଚିହ୍ନଟ କରି ଥାନାରେ ମାମଲା ରୁଜୁ କରିବାକୁ ଜିଲାପାଳ କହିଥିଲେ। କିନ୍ତୁ ପୌରପାଳିକା ପକ୍ଷରୁ ସେପରି କରାଯାଉ ନାହିଁ। ଏପରି କି ଠିକା ସଂସ୍ଥା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ। ଏହାକୁ ନେଇ ସହରବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି।
ଅନୁଧ୍ୟାନ ପରେ କାର୍ଯ୍ୟାନୁଷ୍ଠାନ
ସହର ସଫେଇ ଦାୟିତ୍ୱ ନେଇଥିବା ଠିକା ସଂସ୍ଥା ଠିକ୍ ଭାବେ ଅଳିଆ ଉଠାଉ ନାହିଁ। ବିଭିନ୍ନ ସ୍ଥାନରେ କେବଳ ନାମକୁ ମାତ୍ର ସଫେଇ ହେଉଥିବା ଅଭିଯୋଗ ଆସୁଛି। ଏ ନେଇ ସଂସ୍ଥାକୁ ବାରମ୍ବାର ଅବଗତ କରାଗଲାଣି। ତଥାପି କାର୍ଯ୍ୟରେ ଖିଲାପ ହେଉଥିବାରୁ ଅନୁଧ୍ୟାନ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
-ଗିରିଜା ଶଙ୍କର ମଲ୍ଲିକ, ପୌର ନିର୍ବାହୀ ଅଧିକାରୀ
ଅବ୍ୟବସ୍ଥା କେବେ ସୁଧୁରିବ
ଅନୁଗୋଳ ସହର ସଫେଇକୁ ନେଇ ଦୀର୍ଘ ଦିନ ହେବ ଅବ୍ୟବସ୍ଥା ଲାଗି ରହିଛି। ନୂଆ ସଂସ୍ଥାକୁ ଏହି ଦାୟିତ୍ୱ ଦିଆଯିବା ପରେ ସହର ପରିଷ୍କାର ପରିଚ୍ଛନ୍ନ ରହିବ ବୋଲି ପୌରପାଳିକା ପକ୍ଷରୁ କୁହାଯାଇଥିଲା। କିନ୍ତୁ ତାହା ହେଉନାହିଁ। ଆବର୍ଜନା ଗଦା ହୋଇ ରହୁଥିବାରୁ ଅପରିଷ୍କାର ପରିବେଶ ସୃଷ୍ଟି ହେଉଛି।
-ସମୀର ପରିଡ଼ା, ଅନୁଗୋଳ
ଅଳିଆରେ ଘାଣ୍ଟି ହେଉଛନ୍ତି ସହରବାସୀ
କରୋନା ବ୍ୟାପୁଥିବା ସମୟରେ ରାସ୍ତା କଡ଼ରେ କୁୁଢ଼ କୁଢ଼ ଆବର୍ଜନା ଗଦା ହୋଇ ରହୁଛି। ଫଳରେ ବିଭିନ୍ନ ରୋଗ ବ୍ୟାପିବାର ଭୟ ରହୁଛି। ପୌରପାଳିକା ପକ୍ଷରୁ ସଫେଇ କାର୍ଯ୍ୟ ଉପରେ ଦୃଷ୍ଟି ଦିଆଯାଉ ନାହିଁ। ଏଥିଯୋଗୁ ପରିବେଶ ଦୂଷିତ ହେଉଛି। ସହରୀ ଲୋକ ଟିକସ ଦେଉଥିଲେ ମଧ୍ୟ ଅଳିଆ ମଧ୍ୟରେ ଘାଣ୍ଟି ହେଉଛନ୍ତି।
-ସୁମନ ଜେନା, ଅନୁଗୋଳ
କାର୍ଯ୍ୟ ତଦାରଖ ହେଉ ନାହିଁ
ଅନୁଗୋଳ ପୌରପାଳିକା ଠିକ୍ ଭାବେ ସଫେଇ କାର୍ଯ୍ୟ ପରିଚାଳନା କରିପାରୁ ନାହିଁ। ଠିକା ସଂସ୍ଥାର କାର୍ଯ୍ୟ ତଦାରଖ କରୁନାହିଁ। ପୂର୍ବରୁ ଏଥିପାଇଁ ଲୋକପ୍ରତିନିଧିଙ୍କୁ ଦୋଷ ଦିଆଯାଉଥିଲା। ଗତ ୩ ବର୍ଷ ହେବ ପ୍ରଶାସନ ହାତରେ ପୌରପାଳିକା ରହିଥିଲେ ମଧ୍ୟ କାହିଁକି ସମସ୍ୟା ଦୂର ହେଉନାହିଁ।
-ଗୋପାଳ ଚନ୍ଦ୍ର ନାଥ, ଆଇନଜୀବୀ, ଅନୁଗୋଳ
ଜୁନ୍ ଶେଷରେ ମାଟ୍ରିକ୍ ରେଜଲ୍ଟ
ଭୁବନେଶ୍ୱର,୧୩ା୬(ବ୍ୟୁରୋ): ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ ରେଜଲ୍ଟ। ଏଥିପାଇଁ ଜୋର୍ସୋରରେ ମୂଲ୍ୟାୟନ ଚାଲିଛି। ଆସନ୍ତା ୧୭ ତାରିଖରୁ ନବମ ଓ ଦଶମ ଶ୍ରେଣୀ...
ଆଜି ମାଟ୍ରିକ ପରୀକ୍ଷାଫଳ
କଟକ ଅଫିସ,୨୫।୬: ଚଳିତବର୍ଷର ମାଟ୍ରିକ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇବ। ଏନେଇ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଗୁରୁବାର ପ୍ରେସ୍ ବିବୃତି ମାଧ୍ୟମରେ ସୂଚନା...
ଆଜି ରାଜ୍ୟରୁ ୭୦୦୨ କରୋନା ଆକ୍ରାନ୍ତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ
ଭୁବନେଶ୍ୱର,୬।୬(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ଏହି କିଛିଦିନ ହେବ କମିବାରେ ଲାଗିଛି। ତେବେ ରବିବାର ରାଜ୍ୟରୁ ୭,୦୦୨ ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ...
ରାଜ୍ୟରେ ୪୦ ତଳେ କରୋନା ମୃତ୍ୟୁ ସଂଖ୍ୟା
ଭୁବନେଶ୍ୱର,୨୨।୬ (ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା କମୁଥିବା ବେଳେ ମୃତ୍ୟୁ ସଂଖ୍ୟା କମିବାର ନାଁ ନେଉଥିଲା। ମଙ୍ଗଳବାର ସାମାନ୍ୟ ଆଶ୍ୱସ୍ତିକର ଖବର ମିଳିଛି। ଆଜି...
କୋଭିଡ୍ ଯୁଦ୍ଧରେ ଡାକ୍ତର ଗୋଷ୍ଠୀ ଆଗରେ: ମୁଖ୍ୟମନ୍ତ୍ରୀ
ଭୁବନେଶ୍ୱର,୧୭ା୬(ବ୍ୟୁରୋ): ରାଜ୍ୟ ସରକାର ସ୍ବାସ୍ଥ୍ୟ କ୍ଷେତ୍ରକୁ ପ୍ରାଥମିକତା ଦେଉଛନ୍ତି। ସେଥିପାଇଁ ସ୍ବାସ୍ଥ୍ୟ ଭିତ୍ତିଭୂମି କ୍ଷେତ୍ରରେ ୮,୫୦୦କୋଟି ଟଙ୍କା ବିନିଯୋଗ କରାଯାଉଛି। ଓଡ଼ିଶା ପ୍ରଶାସନିକ ସେବା ଆୟୋଗ(ଓପିଏସ୍ସି)...
ଓଡ଼ିଶାର ଏହି ୩ ଜିଲାରେ ହେବ ଚତୁର୍ଥ ସେରୋ ସର୍ଭେ
ଭୁବନେଶ୍ୱର, ୧୨।୬(ବ୍ୟୁରୋ): ଚତୁର୍ଥ ସେରୋ ସର୍ଭେରେ ୬ ବର୍ଷରୁ ଅଧିକ ବୟସ୍କ ପିଲା ସାମିଲ ହେବେ। ଏ ନେଇ ରିଜିଓନାଲ ମେଡିକାଲ ରିସର୍ଚ୍ଚ ସେଣ୍ଟର(ଆର୍ଏମ୍ଆର୍ସି) ପକ୍ଷରୁ...
ଉତ୍ସବ ପରି ଉତ୍ସାହ
ଅନୁଗୋଳ/ ଢେଙ୍କାନାଳ ଅଫିସ, ୮ା୬ ମହାମାରୀ କରୋନାରୁ ଟିକା ହିଁ ସୁରକ୍ଷା ଦେଇପାରିବ। ଲୋକଙ୍କ ମନରେ ଏହି ବିଶ୍ୱାସ ଭରିବାରେ ସରକାର ସଫଳ ହୋଇଛନ୍ତି। ବିଶେଷଜ୍ଞମାନଙ୍କ...
ବୃଦ୍ଧଙ୍କୁ ବିଦ୍ୟୁତ୍ ଖୁଣ୍ଟରେ ବାନ୍ଧି ସଂଘବଦ୍ଧ ଆକ୍ରମଣ
ମାହାଙ୍ଗା,୧୨ା୬(ସ୍ବ.ପ୍ର.): ଜଣେ ବୃଦ୍ଧ ଛେଳି ମାରି ଦେଇଥିବା ଅଭିଯୋଗରେ ଗ୍ରାମର କେତେଜଣ ଲୋକ ତାଙ୍କୁ ଏକ ବିଦ୍ୟୁତ୍ ଖୁଣ୍ଟରେ ବାନ୍ଧି ସଂଘବଦ୍ଧ ଆକ୍ରମଣ କରିଥିବାର ଏକ...


