ରୁଷିଆର ଜଣେ ମହିଳା ବର୍ଷକ ମଧ୍ୟରେ ୨୦ ସନ୍ତାନର ମା’ ହୋଇଛନ୍ତି। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟା ସତ। ୨୩ ବର୍ଷୀୟା କ୍ରିଷ୍ଟିନାଙ୍କ ସ୍ବାମୀ ଜଣେ କୋଟିପତି। ତାଙ୍କ ସ୍ବାମୀ ଚାହାନ୍ତି ଗୋଟିଏ ବଡ଼ ପରିବାର। ୫୭ ବର୍ଷୀୟ ଗ୍ୟାଲିପ୍ ଆଗରୁ ବିବାହ କରିଥିଲେ। କ୍ରିଷ୍ଟିନାଙ୍କ ସହ ତାଙ୍କର ପରେ ଦେଖାସାକ୍ଷାତ ହୋଇଥିଲା।
କ୍ରିଷ୍ଟିନା କହିଛନ୍ତି ଏହି ୨୦ ପିଲାଙ୍କ ମା’ ହେବା ପାଇଁ ସେ ସରୋଗେସିର ସାହାରା ନେଇଥିଲେ। ଏହା ପୂର୍ବରୁ ତାଙ୍କ ସ୍ବାମୀଙ୍କର ଏକ ୬ ବର୍ଷର ପିଲା ଥିଲା। ତାଙ୍କର ୨୦ ସନ୍ତାନ ଏବଂ ପୂର୍ବରୁ ଥିବା ସନ୍ତାନକୁ ମିଶାଇ ବର୍ତ୍ତମାନ ୨୧ ଜଣ। ସେ ସରୋଗେସି ପାଇଁ ୧ କୋଟି ୪୨ ଲକ୍ଷ ଟଙ୍କା ଖର୍ଚ୍ଚ କରିଥିଲେ। ଏହା ପରେ ତାଙ୍କ ପରିବାର ତୀବ୍ର ଭାବରେ ବିସ୍ତାର ହେଲା।
ହାବେଳିରେ ରହୁଥିବା ଏହି କୋଟିପତି ପରିବାର ପ୍ରତି ସପ୍ତାହରେ ୫୩ ପ୍ୟାକେଜ ବେବି ଫର୍ମୂଲା ବ୍ୟବହାର କରନ୍ତି। କ୍ରିଷ୍ଟିନା କୁହନ୍ତି ସମସ୍ତ ପିଲାଙ୍କ ପାଇଁ ସପ୍ତାହରେ ତାଙ୍କର ୩ରୁ୪ ଲକ୍ଷ ଟଙ୍କା ଖର୍ଚ୍ଚ ହୁଏ। କେବେ କେବେ ଏହା ଅଧିକ ଏବଂ କମ୍ ମଧ୍ୟ ହୋଇଥାଏ। ପିଲାମାନଙ୍କ ସହ ଏହି କୋଟିପତି ଦମ୍ପତି ବେଶ୍ ହସଖୁସିରେ ସମୟ ବିତାଉଥିବା କହିଛନ୍ତି।
