ଗୁଆହାଟୀ,୧୮।୬: କଂଗ୍ରେସରେ ଚାଲିଥିବା ବିବାଦ ଥମିବାର ନାଁ ନେଉନାହିଁ। ଯୁବ ନେତା ସବୁ ଦଳ ଛାଡିବା ପ୍ରକ୍ରିୟା ଜାରି ରହିଛି। ଏବେ ଆସାମ ବିଧାୟକ ରୂପଜ୍ୟୋତି କୁର୍ମି ଦଳ ଛାଡିବାକୁ ଘୋଷଣା କରିଛନ୍ତି। ଦଳ ଛାଡିବା ପରେ ସେ ଅଭିଯୋଗ କରିଛନ୍ତି ଯେ କଂଗ୍ରେସ ଦଳ ଯୁବ ନେତାଙ୍କ ସ୍ବର ଶୁଣୁନାହିଁ। କଂଗ୍ରେସ ହାଇକମାଣ୍ଡ ଏହାର ଯୁବ ନେତାଙ୍କ କଥା ଶୁଣୁନାହଁାନ୍ତି। ତେଣୁ ଦଳର ସ୍ଥିତି ସବୁ ରାଜ୍ୟରେ ଖରାପ ହେଉଛି। କୁର୍ମି ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଥିଲେ। ସେ କହିଛନ୍ତି ଯେ ରାହୁଲ ଗାନ୍ଧୀ ନେତୃତ୍ୱ ନେବାକୁ ଅସମର୍ଥ, ଯଦି ସେ କଂଗ୍ରେସର ଦାୟିତ୍ୱ ଗ୍ରହଣ କରନ୍ତି ତେବେ ଦଳ ଅଗ୍ରଗତି କରିବ ନାହିଁ। କୁର୍ମି ଦଳ ଛାଡି ଭାଜପାରେ ଯୋଗ ଦେବେ ବୋ ଚର୍ଚ୍ଚା ହେଉଛି।
