ସାଉଥମ୍ପାଟନ,୧୯।୬: ଭାରତ-ନ୍ୟୁଜିଲାଣ୍ଡ ମଧ୍ୟରେ ବହୁପ୍ରତିକ୍ଷୀତ ବିଶ୍ୱ ଟେଷ୍ଟ ଚାମ୍ପିୟନଶିପ୍ ଫାଇନାଲ ମୁକାବିଲାକୁ ପ୍ରଶଂସକଙ୍କ ମଧ୍ୟରେ କ୍ରେଜ୍ ବଢ଼ିବାରେ ଲାଗିଛି। ମହାମାରୀ କରୋନା କାରଣରୁ ଏଜେସ ବାଉଲ ଷ୍ଟାଡିୟମରେ ଦର୍ଶକଙ୍କ ସଂଖ୍ୟାକୁ ସୀମିତ ରଖାଯାଇଛି। ଫଳରେ ବହୁତ କମ୍ ଲୋକ ମ୍ୟାଚ୍ ଦେଖିବାର ସୁଯୋଗ ପାଇଛନ୍ତି। ସେମାନଙ୍କ ମଧ୍ୟରୁ ଜଣେ ହେଲେ ବଲିଉଡ୍ ଅଭିନେତା ଆଫତାବ ଶିଭଦାସାନୀ।
ସୋସିଆଲ ମିଡିଆ ଆକାଉଣ୍ଟରେ ଆଫତାବ ଷ୍ଟାଡିୟମର ଫଟୋ ଶେୟାର କରି ଭାରତୀୟ ଟିମ୍ ପ୍ରତି ସମର୍ଥନ ଜାହିର କରିଛନ୍ତି। ଏଠାରେ ନିଜ ଦେଶକୁ ସମର୍ଥନ କରିବା ଖୁସି ଏବଂ ସମ୍ମାନର କଥା ବୋଲି ସେ କହିଛନ୍ତି।
ପ୍ରକାଶ ଯେ, ଭାରତ-ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଫାଇନାଲ ମୁକାବିଲାକୁ ଦେଖିବା ଲାଗି ୪୦୦୦ ଦର୍ଶକଙ୍କୁ ସୁଯୋଗ ମିଳିଛି। ଏକ ରିପୋର୍ଟ ଅନୁଯାୟୀ ପ୍ରଶଂସକଙ୍କ କ୍ରେଜ ଯୋଗୁ ଗୋଟିଏ ଟିକେଟ ୨ ଲକ୍ଷ ଟଙ୍କାରେ ବିକ୍ରି ହେଉଛି।
