ରେଢ଼ାଖୋଲ, ୮।୬(ଡି.ଏନ.ଏ): ରେଢ଼ାଖୋଲ ଉପଖଣ୍ଡ କିସିଣ୍ଡା ଥାନା ଅଧୀନ ହିରାଲୋଇ ଗ୍ରାମରେ ବିଷଧର ସାପ କାମୁଡାରେ ୨ ଭଉଣୀଙ୍କ ମୃତ୍ୟୁ ଘଟିଛି। ମୃତ ୨ ଭଉଣୀ ହେଲେ ଲଳିତା ସୋରେନ (୧୨) ଓ ସସ୍ମିତା ସୋରେନ଼ (୯)।
ପ୍ରକାଶ ଯେ, ସୋମବାର ରାତିରେ ଘରେ ଶୋଇଥିବା ବେଳେ ଏକ ସାପ ଉଭୟଙ୍କୁ କାମୁଡି ଥିଲା। ତେବେ ଡାକ୍ତରଖାନା ନ ନେଇ ଝଡାଫୁଙ୍କା ପାଇଁ ପରିବାର ଲୋକେ ଗୁଣିଆ ପାଖକୁ ନେଇଥିଲେ। ଅବସ୍ଥା ଗୁରୁତର ହେବାରୁ ରେଢାଖୋଲ ଡାକ୍ତରଖାନାକୁ ନିଆଯାଇଥିଲା। ଚିକିତ୍ସାଧିନ ଅବସ୍ଥାରେ ମଙ୍ଗଳବାର ୨ ଜଣଙ୍କ ମୃତ୍ୟୁ ଘଟିଛି। ଏମାନଙ୍କ ବାପା କିଛି ବର୍ଷ ପୁର୍ବେ ମୃତ୍ୟୁ ବରଣ କରିଥିବା ବେଳେ ଏହି ୨ ଝିଅଙ୍କ ମୁହଁକୁ ଚାହିଁ ମା’ ବଞ୍ଚୁଥିଲେ।
