କାଭର୍ତ୍ତିି,୮।୬: ପ୍ରଶାସକଙ୍କୁ ହଟାଇବା ପାଇଁ ଲୋକେ ପାଣିତଳେ ଧାରଣା ଦେଇଛନ୍ତି। ଏଭଳି ନିଆରା ଘଟଣା ଲାକ୍ଷାଦ୍ୱୀପରେ ଘଟିଛି। ପ୍ରଶାସକ ପ୍ରଫୁଲ୍ଲ ପଟେଲଙ୍କୁ ଦାୟିତ୍ୱରୁ ହଟାଇବା ଲାଗି ସୋମବାର ଲୋକେ ପାଣି ତଳେ ପ୍ରଦର୍ଶନ କରିଛନ୍ତି। ଅନ୍ୟ ଲୋକେ ନିଜ ନିଜ ଘର ବାହାରେ ୧୨ ଘଣ୍ଟିଆ ଅନଶନ କରିଛନ୍ତି। ଏବେ ଏହା ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଲାକ୍ଷାଦ୍ୱୀପ ଏବଂ କେରଳର ବିରୋଧୀଦଳ ଅଭିିଯୋଗ କରିଛନ୍ତି ଯେ, ଦ୍ୱୀପର ମୁସଲମାନ ବହୁଳ ଅଞ୍ଚଳରେ ପ୍ରଫୁଲ୍ଲ ମଦ ଉପରେ ଜାରି ରହିଥିବା କଟକଣା ହଟାଇ ଦେଇଛନ୍ତି। ସେହିପରି ଉପକୂଳ ଅଞ୍ଚଳରେ ଥିବା ଧୀବରବସ୍ତିଗୁଡ଼ିକୁ ତାଙ୍କ ନିର୍ଦ୍ଦେଶରେ ଭାଙ୍ଗିରୁଜି ଦିଆଯାଇଥିବା ଅଭିଯୋଗ ମଧ୍ୟ ହୋଇଛି। ତେବେ ଭାଜପା ପକ୍ଷରୁ ପ୍ରଫୁଲ୍ଲଙ୍କୁ ସୁରକ୍ଷା ଦେବାକୁ ଯାଇ କୁହାଯାଇଛି ଯେ, ସେ ବିକାଶ କାର୍ଯ୍ୟ ହାତକୁ ନେଇଛନ୍ତି। ତାଙ୍କ ଦ୍ୱାରା ଗ୍ରହଣ କରାଯାଇଥିବା ପଦକ୍ଷେପ ଉପଯୁକ୍ତ। ପ୍ରଫୁଲ୍ଲଙ୍କ କାର୍ଯ୍ୟ ଅଗଣତାନ୍ତ୍ରିକ ବୋଲି ବିରୋଧୀ ଦଳ ପକ୍ଷରୁ କୁହାଯାଇଛି।
