ଭୋପାଳ,୨୩ା୬: ଜଣେ ଯୁବତୀ ଜଣେ ଯୁବକଙ୍କୁ ପୂରା ବିଶ୍ୱାସ କରିନେଇଥିଲେ। ଯୁବତୀ ଭାବିଲେ ୟାଙ୍କୁ ହିଁ ବିବାହ କରିବି। ୩ ବର୍ଷ ପର୍ଯ୍ୟନ୍ତ ଶାରୀରିକ ସମ୍ପର୍କ ବି ରଖିଲେ ଯୁବକ ଜଣକ। ମାତ୍ର ଯେତେବେଳେ ବିବାହ କଥା ଆସିଲା ସେତେବେଳେ ଯୁବକ ମନା କଲେ। ପରେ ଯାହା ଘଟିଲା ଜାଣନ୍ତୁ ସେ ସମ୍ପର୍କରେ…
ଏପରି ଏକ ଘଟଣା ଘଟିଛି ମଧ୍ୟପ୍ରଦେଶର ଜବଲପୁରରେ। ଜଣେ ଯୁବକ ଯୁବତୀଙ୍କୁ ପ୍ରେମ ଜାଲରେ ଫସାଇବା ପରେ ଶାରୀରିକ ଶୋଷଣ କରୁଥିଲେ। ଖାଲି ଏତିକି ନୁହେଁ, ଯୁବତୀଙ୍କ ବିଶ୍ୱାସ ଜନ୍ମାଇବା ପାଇଁ ତାଙ୍କ ସିନ୍ଥିରେ ସିନ୍ଦୁର ଦେଇ ତୁମେ ଆଜିଠୁ ମୋ’ ସ୍ତ୍ରୀ ବୋଲି ମଧ୍ୟ କହିଥିଲେ। ଏହା ପରେ ୩ ବର୍ଷ ପର୍ଯ୍ୟନ୍ତ ଦୁହେଁ ଏକାଠି ରହିଥିଲେ। ଯେତେବେଳେ ଯୁବତୀ ଜଣକ ଏମିତି କେତେଦିନ ଲୁଚି ଲୁଚି ବିବାହ କରି ରହିବା ସତରେ ମୋତେ ବିବାହ କରିନିଅ କହିବାରୁ ଯୁବକ ଜଣକ ମନା କରିଥିଲେ।
୨୩ ବର୍ଷୀୟା ଯୁବତୀ ଜଣକ କହିଛନ୍ତି, ୩ ବର୍ଷ ପୂର୍ବରୁ ଶୁଭାଙ୍କ ନାମକ ଜଣେ ଯୁବକଙ୍କ ସହ ତାଙ୍କର ପ୍ରେମ ହୋଇଥିଲା। ଶୁଭାଙ୍କ ତାଙ୍କ ସିନ୍ଥିରେ ସିନ୍ଦୁର ମଧ୍ୟ ଦେଇଥିଲେ। ଯେତେବେଳେ ମୋତେ ତୁମ ଘରକୁ ନିଅ ବୋଲି କହିଥିଲେ ଏଥିରେ ଶୁଭାଙ୍କ ରାଜି ହୋଇ ନ ଥିଲେ। ବିବାହ କଥା କହିବାରୁ ଯୁବତୀଙ୍କୁ ଛାଡ଼ି ଶୁଭାଙ୍କ କେଉଁଆଡ଼େ ଫେରାର ହୋଇଯାଇଛନ୍ତି। ଶେଷରେ ଯୁବତୀ ଜଣଙ୍କ ଥାନାର ଆଶ୍ରୟ ନେଇଥିଲେ। ବହରହାଲ ମହିଳା ଥାନା ପୋଲିସ ଶୁଭାଙ୍କଙ୍କ ନାମରେ ବଳାତ୍କାର ମାମଲା ରୁଜୁ କରିବା ସହ ତାଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଖୋଜୁଛି।
