ରେଢ଼ାଖୋଲ,୨୦।୬(ଡି.ଏନ୍.ଏ): ସମ୍ବଲପୁର ଜିଲା ରେଢ଼ାଖୋଲ କେନ୍ଦୁପତ୍ର ଡିଭିଜନ ଅନ୍ତର୍ଗତ ଲୁହାପଙ୍କ ପଞ୍ଚାୟତର ଗାଡୁମୁଣ୍ଡା କେନ୍ଦୁପତ୍ର ଫଡିରେ ଶନିବାର ବିଳମ୍ବିତ ରାତିରେ ଦନ୍ତାହାତୀ ଆକ୍ରମଣରେ ଜଣେ କେନ୍ଦୁପତ୍ର ବନ୍ଧାଳିଙ୍କ ମୃତ୍ୟୁ ଘଟିଛି। ଏହା ସହ ୨ ଜଣ ଗୁରୁତର ଆହତ ହୋଇଥିବା ଜଣାପଡ଼ିଛି। ମୃତ ଶ୍ରମିକ ହେଲେ ବିମ୍ବାଧର ନାଏକ ଓ ଗୁରୁତର ଦ୍ବୟ ହେଲେ ବିନାୟକ ଦେହୁରୀ ଓ ପବିତ୍ର ଦେହୁରୀ। ଏହି ଶ୍ରମିକ ମାନଙ୍କ ଘର ଅନୁଗୋଳ ଜିଲା କିଶୋରନଗର ବ୍ଲକ ଅନ୍ତର୍ଗତ ବାଦିବାହାଳ ଗ୍ରାମରେ। ମୃତଦେହ ରେଢାଖୋଲ ଡାକ୍ତରଖାନାରେ ବ୍ୟବଚ୍ଛେଦ କରାଯାଇ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି। ତେବେ ଗୁରୁତରଦ୍ବୟଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛ। ଶ୍ରମିକମାନେ କେନ୍ଦୁପତ୍ର ଫଡିରେ କେନ୍ଦୁପତ୍ର ବାନ୍ଧି ସାରି ଶୋଇଥିବା ବେଳେ ବିଳମ୍ବିତ ରତିରେ ଦନ୍ତା ଆସି ଆକ୍ରମଣ କରିଥିଲା।
