ଶିମଲା,୧୩।୬: ହିମାଚଳ ପ୍ରଦେଶରେ ପ୍ରବେଶ କରିବା ପାଇଁ ଆରଟି-ପିସିଆର ରିପୋର୍ଟ ଦରକାର ନାହିଁ। ଏହି ଘୋଷଣା ହେବା ପରେ ରାଜ୍ୟର ପ୍ରବେଶ ପଥରେ ସୃଷ୍ଟି ହୋଇଛି ଲମ୍ବା ଟ୍ରାଫିକ୍। ପାହାଡ଼ ଉପରେ ହଜାର ହଜାର ସଂଖ୍ୟାରେ କାର ଛିଡ଼ା ହୋଇଥିବା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି।
As Himachal Pradesh has now allowed entry without RT-PCR test report, this is hw the decision was welcomed…. pic.twitter.com/JVotyxSIlF
— Mohammad Ghazali (@ghazalimohammad) June 13, 2021
ହିମାଚଳ ପ୍ରଦେଶର ସୋଲାମ ଜିଲାର ଏଣ୍ଟ୍ରି ପଏଣ୍ଟରେ କାର ଓ ଏସ୍ୟୁଭି ଲମ୍ବା ଧାଡ଼ିରେ ଛିଡ଼ା ହୋଇଛନ୍ତି। ଅନ୍ୟ ରାଜ୍ୟର ପର୍ଯ୍ୟଟକମାନଙ୍କ ପାଇଁ ଖୋଲି ଦିଆଯାଇଛି ସମସ୍ତ ପ୍ରବେଶ ପଥ। ତେବେ ପ୍ରବେଶ ପାଇଁ କୋଭିଡ୍ ଇ-ପାସ୍ ଏବେ ମଧ୍ୟ ଦରକାର।
ଗତ ୩୬ ଘଣ୍ଟା ମଧ୍ୟରେ ବାହାର ରାଜ୍ୟରୁ ଆସିଥିବା ୫ ହଜାର ପର୍ଯ୍ୟଟକଙ୍କ ଗାଡ଼ି ରାଜଧାନୀ ଶିମଲାରେ ପ୍ରବେଶ କରିଛି। ରାଜ୍ୟରେ କୋଭିଡ୍ କଟକଣାରେ କୋହଳ କରାଯାଇଥିଲେ ମଧ୍ୟ ସନ୍ଧ୍ୟା ୫ଟାରୁ ସକାଳ ୫ ପର୍ଯ୍ୟନ୍ତ କର୍ଫ୍ୟୁ ଜାରି ରହିବ ବୋଲି ରାଜ୍ୟ ସରକାର ଶୁକ୍ରବାର ଘୋଷଣା କରିଥିଲେ। ତେବେ ଏହି ରାଜ୍ୟରେ ଦୈନିକ ସଂକ୍ରମଣ ହାର ୪୦୦ ତଳକୁ ରହୁଛି। ରବିବାର ୩୭୦ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୧୭ ଜଣଙ୍କ ମୃତ୍ୟୁ ଘଟିଥିବା ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି।
